The New York Times. Ռուսաստանը շրջանցում է արեւմտյան պատժամիջոցներն իր բարեկամների, այդ թվում՝ Հայաստանի օգնությամբ

Ռուսական տնտեսությունը ցույց է տվել զգալի տոկունություն՝ հարցեր առաջացնելով արևմտյան պատժամիջոցների արդյունավետության վերաբերյալ, գրում է The New York Times-ը։ Արտաքին առևտուրը երկրում վերականգնվել է: Դա պայմանավորված է նրանով, որ որոշ երկրներ պարզապես չեն կարողանում հրաժարվել ռուսական ապրանքներից։

Հոդվածում, մասնավորապես, նշվում է, որ անցյալ ամառ Հայաստանում սմարթֆոնների հետ տարօրինակ բան է պատահել: «Սմարթֆոնների մատակարարումները տարբեր երկրներից դեպի այս փոքրիկ նախկին խորհրդային հանրապետություն աճել են ավելի քան 10 անգամ՝ նախորդ ամիսների համեմատ: Բացի այս Հայաստանից դեպի բարեկամ Ռուսաստան սմարթֆոնների արտահանումը նույնպես կտրուկ աճ է գրանցել։

Միտումը, որն անցյալ տարի ազդել է նաև ասիական մի շարք երկրներից լվացքի մեքենաների, համակարգչային չիպերի և մի շարք այլ ապրանքների արտահանման վրա, վկայում է մատակարարման նոր կապուղիների ի հայտ գալու մասին, որոնք օգնում են ռուսական տնտեսությանը կանգում նմալ: Նոր տվյալները վկայում են Ռուսաստանի որոշ հարևանների և դաշնակիցների հետ առևտրի կտրուկ աճի մասին, ինչպես նաև վկայում են այն մասին, որ այնպիսի երկրներ, ինչպիսիք են Թուրքիան, Չինաստանը, Բելառուսը, Ղազախստանը և Ղրղզստանը, Ռուսաստանին տրամադրում են բազմաթիվ ապրանքներ, որոնցից Արևմուտքը ցանկանում էր զրկել նրան որպես պատիժ Ուկրաինայում Մոսկվայի գործողությունների համար»,-նշվում է հոդվածում:

Zham.am