«ԵՄ առաքելությունը Հայաստանում չպետք է Հայաստանի համար՝ իր վրա վերցրած պարտավորվածություններից խուսափելու առիթ դառնա». Ադրբեջանի ԱԳՆ
Ադրբեջանի արտգործնախարարությունն անդրադարձել է ԵՄ խորհրդի որոշմանը՝ երկու տարով Հայաստան դիտորդական առաքելություն ուղարկելուն։
«Հայաստանում ԵՄ առաքելության տեղակայումը պետք է պատշաճ կերպով ապահովվի՝ հաշվի առնելով Ադրբեջանի լեգիտիմ շահերը, իրականացվի այնպես, որ չխաթարվի փոխադարձ վստահությունը։ Ադրբեջանական կողմն ակնկալում է, որ ԵՄ առաքելության գործունեության մեկնարկի քննարկման գործընթացում առավելագույն ուշադրություն է դարձվել անցյալի փորձից անհրաժեշտ դասեր քաղելու համար։
«Չնայած ամենաբարձր մակարդակով համաձայնեցված երկամսյա առաքելության (2022 թվականի վերջին Հայաստանում տեղակայված-խմբ․) առաքելության հստակ սահմանված պարամետրերին և նպատակներին, դիտորդական առաքելության գործունեությունն ուղեկցվել է Պրահայում ձեռք բերված պայմանավորվածություններից լուրջ շեղումներով՝ պայմանավորված ԵՄ որոշ անդամ երկրների կողմնակալ վերաբերմունքով, ինչը, իր հերթին, ազդեց ԵՄ-ում որոշումների կայացման վստահության և թափանցիկության վրա։
Ադրբեջանի կողմից տարբեր մակարդակներում ԵՄ ներկայացուցիչների հետ նոր առաքելության հետ կապված մի շարք խորհրդակցությունների ընթացքում նշվել է, որ ԵՄ-ի մասնակցությունը Հայաստանում առաքելության միջոցով չպետք է պատրվակ դառնա Հայաստանի համար՝ խուսափելու իր պարտավորությունները կատարելուց։ ԵՄ ներկայության օգտագործումն արդեն գոյություն ունեցող երկխոսության մեխանիզմների դեմ վտանգավոր է և պետք է խուսափել դրանից»,-ասված է Ադրբեջանի ԱԳՆ-ի հաղորդագրությունում։
Zham.am
Հետևեք մեզ Facebook-ում