ԵԱՏՄ-ն բազմաբեւեռ աշխարհի հզոր բեւեռ դառնալու հնարավորություններ ունի. Պուտին
Ռուսաստանի նախագահ Վլադիմիր Պուտինը հայտարարել է, որ ԵԱՏՄ-ն բազմաբեւեռ աշխարհի հզոր, ինքնուրույն բեւեռ դառնալու հնարավորություններ ունի, վկայում է Կրեմլի կայքում հրապարակված ուղերձը։
«Ակնհայտ է, որ Միությունը բոլոր հնարավորություններն ունի, որպեսզի դառնա բազմաբեւեռ աշխարհի հզոր, ինքնուրույն, ինքնաբավ բեւեռներից մեկը, լինել ձգողականության կենտրոն մեր արժեքները կիսող բոլորի եւ Եվրասիական տնտեսական միության հետ համագործակցել ձգտող անկախ պետությունների համար»,- նշվել է ուղերձում։
Ըստ Պուտինի, ԵԱՏՄ-ի համար առաջնահերթություններից մեկը պետք է դառնա տեխնոլոգիական պոտենցիալի զարգացումը:
«Ակնհայտ է, որ համատեղ աշխատանքի կարեւորագույն ռազմավարական առաջնահերթություններից մեկը պետք է դառնա ԵԱՏՄ անդամ երկրների տեխնոլոգիական պոտենցիալի զարգացումը, իսկական անկախության եւ ինքնաբավության ձեռքբերումն այս ոլորտում։ Առաջարկում ենք միավորել ջանքերն առաջավոր գիտատեխնիկական լուծումների ստեղծման եւ տնտեսության առաջատար հատվածներում ներդրման գործում, ինչպիսին են ավտոմեքենաշինական եւ քիմիական արդյունաբերությունը, տրանսպորտային մեքենաշինությունը, միկրոէլեկտրոնիկան, ավիաշինությունը, նավաշինությունը, դեղագործությունը, թվային էկոհամակարգերը, այընտրանքային էներգետիկան, գյուղատնտեսական մեքենաշինությունը, կենսատեխնոլոգիաները եւ սերմնաբուծությունը»,- Կրեմլի կայքում մեջբերվել են ՌԴ ղեկավարի խոսքերը։
Zham.am
Հետևեք մեզ Facebook-ում