15 երեխա ողջ-ողջ վառվեցին. Զոհված հերոս Դավիթ Առուշանյանի մայրը հուզվեց. Տեսանյութ

Երեկ մեր տղաներն են զոհել, այսօր մեկինն է զոհվելու մյուս օրն էլ՝ մյուսինն է զոհվելու. Այսպես գնալու ենք, այսպես ապառվելու ենք. Եկել է ճիվաղը, որպեսզի սպառի հայ ժողովրդին։ Այս մասին, այսօր՝ հունվարի 20-ին, ՔԿ-ի դիմաց բողոքի ակցիայի ժամանակ լրագրողների հետ զրույցում ասաց զոհված հերոս Դավիթ Առուշանյանի մայրը՝ տիկին Լիդան։

«Իմ որդին նահանջի հրաման չի լսել, Արցախն է պաշտպանել՝ հետևում Արցախն է, նահանջի տեղ չկա։ Այսօր այդ Արցախը շրջափակման մեջ է, ոչ մեկի պետքը չէ։ Ամբողջ աշխարհը խոսում է Արցախից, մեր ղեկավարությունը չի խոսում։

25 հազար ոստիկանություն մի ճիվաղ է պահում, որպեսզի Հայաստանը կործանի։ Արցախը կործնել է։ Արցախցիներ՝ չլսեք այս ճիվաղին։ Ձեզ կործանել է։ Արցախի ղեկավարություն եք, թե հասարակ քաղաքացի, ձեզ կործանել է, ձեր երկիրը ծախել է, Հայաստանն էլ է ծախում։ 5000 զոհվածի ծնողներին տեսեք ինչ օրն է գցել»,- ասաց տիկին Լիդան։

Նա հուզվեց՝ խոսելով երեկվա դեպքի մասին, երբ Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 զինծառայող, 7-ը մարմնական վնասվածներ են ստացել։ «15 երեխա ողջ-ողջ վառվեցին 21-րդ դարում։ Քոռանաք դուք, աշխարհ՝ ինչի չես քոռացնում այս ստորի։ Մեր երեխաները լքված տանն են վառվել։ Անտեր, անտիրական վառվել են մեր երեխաները։ 5000, 250, 13, 15։ Հերիք չէ սպառվենք, տակը բան չի մնացել, ժողովուրդ»,- բղավում է տիկին Լիդան։

Հիշեցնենք, որ 2022 թվականի սեպտեմբերի 21-ին «Եռաբլուր» զինվորական պանթեոնում տեղի ունեցած միջադեպով, երբ բռնություն գործադրվեց զոհված զինծառայողների ծնողների նկատմամբ, հարուցվեց քրեական գործ: Անցել է 5 ամիս, և մինչ օրս քրեական վարույթով որևէ մեկը պատասխանատվության չի ենթարկվել: