Ինձ անհանգստացնում է բնակչության ծանր հումանիտար վիճակը. Հռոմի Պապը խոսել է Լաչինի միջանցքի արգելափակման մասին
Հռոմի Ֆրանցիսկոս Պապը հայտարարել է, որ մտահոգված է Հայաստանն ու Լեռնային Ղարաբաղը կապող Լաչինի միջանցքի արգելափակման շուրջ ստեղծված իրավիճակով և կոչ է արել լուծել այն։ Այս մասին պոնտիֆիկոսն ասել է Սուրբ Պետրոսի հրապարակում իր ավանդական կիրակնօրյա ուղերձում։ «Ինձ մտահոգում է Հարավային Կովկասում՝ մասնավորապես Լաչինի միջանցքում տիրող իրավիճակը:
Ինձ հատկապես անհանգստացնում է բնակչության ծանր հումանիտար վիճակը, որը կարող է էլ ավելի վատթարանալ ձմռանը: Բոլոր կողմերին խնդրում եմ պատասխանատվություն ստանձնել և պարտավորվել գտնել խաղաղ լուծումներ՝ ի շահ ժողովրդի»,- ասել է պոնտիֆիկոսը։ Հիշեցնենք՝ շաբաթվա սկզբին մի խումբ ադրբեջանցիներ, որոնք ներկայացել էին որպես բնապահպաններ, փակել են Լաչինի միջանցքը։
Դա Հայաստանն ու Լեռնային Ղարաբաղը կապող միակ ճանապարհն էև այժմ շրջափակման մեջ է 120 հազար մարդ, այդ թվում՝ 30 հազար երեխա: Պապը նաև կոչ է արել հաղթահարել Պերուի քաղաքական և սոցիալական ճգնաժամը, ինչպես նաև աղոթել Ուկրաինայում խաղաղության համար։
Հետևեք մեզ Facebook-ում