Արցախցի փոքրիկ պարուհիները խմբով չեն կարողացել անցնել Լաչինի միջանցքը. Տեսանյութ

Արցախի «Ասպարեզ» պարային համույթը Վրաստանում պարի միջազգային փառատոնից 4 գլխավոր մրցանակներով վերադարձել է ու չի հասել տուն։ Պատանի արցախցիների հաղթանակը տոնելու համար գեղեցիկ միջոցառում է պլանավորված եղել Ստեփանակերտում, բայց այն չեղարկվել է՝ Գորիս –Արցախ մայրուղին ադրբեջանցիների զավթելու և Արցախն ամբողջովին միչ այս պահը բլոկադայի մեջ պահելու պատճառով։ Այս մասին Yerevan.Today-ի հետ զրույցում պատմեցին արցախցի փոքրիկ պարուհիները՝ վստահեցնելով, որ խուճապի չեն մատնվել և հավատում են որ ազերիների հերթական պրովոկացիան է սա, ժամանակավոր բնույթ է կրելու։ Ասպարեզ համութի 13 սաները, իրենց պարուսույց Լառա Ավանեսյանի ու մյուս պատասխանատուների հետ, երեկ մինչև ուշ երեկո ցրտին մնացել են դրսում, միջպետական ճանապարհին մի քանի տասնյակ մեքենաներով արցախցի ուղևորները մութն ընկելուն պես հրկադրված վերադարձել են Գորիս։ Գորիսի խոշորացված համայնքի ղեկավարչ Առուշ Առուշանյանը նրանց տեղավորել է հյուրանոցներում։ Նշենք, մինչ այս պահը Արցախը շրջափակման մեջ է, ազերիները չեն նահանջել իսկ ճանապարհներին մնացած արցախցիները այդ թվում Ասպարեզ համույթի սաները անժամկետ տեղավորվել են Գորիսում ու սպասում են խնդրի կարգավորմանը։

Մանրամասն՝ տեսանյութում։