Պետք է պատասխանել Ադրբեջանին, թե չէ կստացվի, որ մեր լռությունը համաձայնության կամ վախի նշան է․ Թևանյան. Տեսանյութ

Խորհրդարանականները քննարկում են՝ Ադրբեջանի խորհրդարանի 2022 թվականի նոյեմբերի 8-ի հայտարարությանը պատասխանելու՝ ընդդիմության ներկայացրած առաջարկը։ Արտաքին հարաբերությունների մշտական հանձնաժողովի նիստում «Հայաստան» խմբակցության պատգամավոր Անդրանիկ Թևանյանը հայտարարեց․  

«Ադրբեջանի հայտարարության մեջ օգտագործվել են ձևակերպումներ, որոնք անընդունելի են մեզ համար։ Խեղաթյուրված է ղարաբաղյան հակամարտության էությունը, խեղաթյուրված են 44-օրյա պատերազմին բերող պատճառները, Ադրբեջանի վարքագիծը ներկայացվածէ այլ լույսի ներքո, Հայաստանի վարքագիծը՝ բացասական լույսի ներքո, բնականաբար, ներկայացվել են Հայաստանին պահանջներ, որոնք անընդունելի են և դատապարտելի են մեզ համար, օգտագործվել են ձևակերպումեր, որոնք ցույց են տալիս ծավալապաշտական նկրտումները ՀՀ ինքնիշխան տարածքի նկատմամբ և ներկայացված են պահանջներ, որոնք ուլտիմատումային, շանտաժային բնույնյթի են։

Իրենք համարում են, որ ղարաբաղյան հակամարտությունն այլևս չկա, այն լուծված է , մենք համարում ենք, որ դա այդպես չէ։ Իրենք օգտագործում են «Արևելյան Զանգեզուր» տերմինը , որն իրենց տեսակետից ենթադրում է, որ կա նաև՝ «Արևմտյան Զանգեզուր» և իրենք նույն «Արևմտյան Զանգեզուրի» նկատմամբ ունեն հավակնություններ․ իրենք կրկին խոսում են այսպես կոչված «Զանգեզուրի միջանցքի» մասին, որը մեզ համար անընդունելի է, այդ պահանջը չունի որևէ իրավական հիմք և դա լեգիտիմ չէ։ Խոսում են խաղաղության գործընթացի մասին, բայց ամեն ինչ հռետորաբանություն է և դրա շրջանակում վարում են իրենց քաղաքականույթունը ինչպես քարոզչական դաշտում, այնպես էլ՝ պարբերաբար դիմելով զենքի օգնությանը։

Մենք գտնումենք, որ Հայասանի խորհրդարանը պարտավոր է ինստիտուցիոնալ մակարդակով պատասխանել Ադրբեջանի այդ հայտարարությանը , պատասխանել՝ համարժեք կարգավիճակ ունեցող պետական կառույցի միջոցով ․ այսինք ՝ պատասխանել խորհրդարանի կողմից, հակառակ դեպքում կստացվի, որ մեր լռությունը դառնում է համաձայնությա նշան, հակառակ դեպքում՝ վախի նշան»,-ասաց Անդրանիկ Թևանյանը։

Մանրամասն՝ Yerevan.today-ի տեսանյութում։