Անկարայում ընթանում են ռուսական եւ ամերիկյան պատվիրակությունների բանակցությունները․ «Ъ»
Անկարայում ընթանում են ռուսական եւ ամերիկյան պատվիրակությունների բանակցությունները։ Ռուսական կողմից Անկարա է մեկնել Արտաքին հետախուզության ծառայության տնօրեն Սերգեյ Նարիշկինը, հայտնում է «Ъ»-ը։ Ավելի վաղ այս հանդիպման մասին հրապարակավ չի հայտարարվել։ Հրատարակության աղբյուրը դեռեւս հրաժարվել է մանրամասներ հայտնել բանակցությունների մասին։
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ չի կարող ոչ հաստատել, ոչ հերքել Անկարայում բանակցությունների մասին տեղեկությունը։ Վերջին անգամ ռուսական եւ ամերիկյան պատվիրակությունները հանդիպել են Ժնեւում այս տարվա հունվարի 10-ին՝ անվտանգության երաշխիքների վերաբերյալ բանակցությունների համար։
Հունվարյան բանակցային գործընթացի գործնական արդյունքների բացակայությունը հաճախ դիտարկվում է որպես Ուկրաինայում ռազմական գործողությունների մեկնարկի համար դիվանագիտական նախադրյալ։
Հետևեք մեզ Facebook-ում