Արցախում այս պահին ինքնաբուխ հանրահավաք է. ցասումը սկսված է, դրա դեմն առնելը դժվար է. պատգամավոր. Տեսանյութ
Արցախում այս պահին ինքնաբուխ հանրահավաք է սկսվել, տրվում է հանուն Արցախի պաշտպանության շարժման մեկնարկը: Այս մասին NEWS.am-ին հայտնեց Արցախի Ազգային ժողովի «Արդարություն» խմբակցության պատգամավոր Մետաքսե Հակոբյանը:
«Ուղղակի հիմա մեր իշխանությունները պետք է դուրս գան, կանգնեն ժողովրդի կողքին և հակառակվեն Նիկոլի վարչախմբին, ուրիշ տարբերակ չկա, հակառակ դեպքում իրենք Նիկոլի հետ են ևիրենք էլ Նիկոլի հետ կնիքը դնում են Արցախի հանձնման: Իրենք այդ մի տարբերակն ունեն, այլևս սուտ է` Նիկոլի հետ խոսեն, բանակցեն և այլն, և այլն, հենց հիմա պետք է դուրս գան, իջնեն Վերածննդի հրապարակ և կանգնեն ժողովրդի կողքը»,-ասաց նա:
Պատգամավորը նշեց, որ ժողովուրդը Արցախում հակառակվում է նիկոլին, և շատ լավ հասկանում է, որ իրենցից է կախված ամեն ինչ և կարող է հակառակվել և Նիկոլին, և միջազգային հանրությանը, որպեսզի պաշտպանի իրենց տունը, տեղը, հայրենիքը:
«Մենք միջազգային հանրությունից ազդակներ չենք ստացել, միայն Նիկոլից ենք լսում , որ միջազգային հանրությունը սա կամ նա է պահանջում: Ցասումը սկսված է և կարծում եմ, որ դրա դեմն առնելը դժվար է, մարդիկ իրենց տունն են պաշտպանում»,-հավելեց Հակոբյանը:
Հետևեք մեզ Facebook-ում