Ինչ խնդիր կա «Միսս Հայաստան»-ի և Միսս Հայաստանի միջև

«Միսս Հայաստան ազգային գործակալություն» ՀԿ-ն ընդդեմ «Միսս Հայաստան 1998» տիտղոսակիր, «Միսս Հայաստան 2017» մրցույթի կազմակերպիչ Գոհար Հարությունյանի գործը շարունակում է մնալ հասարակության ուշադրության կենտրոնում:

Ինչպես հայտնի է, ՀԿ-ն պահանջում էր արգելել իրենց պատկանող ապրանքային նշանի կիրառումն ու չեղյալ համարել սեպտեմբերի 24-ին նախատեսված մրցույթը։ Ավելի վաղ հայցվորի միջնորդությունը հայցի ապահովում կիրառելու մասին բավարարվել էր, դատարանը Գոհար Հարությունյանին արգելել է ցանկացած ձեւով «Միսս Հայաստան» ապրանքանշանի օգտագործումը, ինչպես նաեւ «Միսս Հայաստան 2017» մրցույթի կազմակերպումը եւ անցկացումը: Բարձրացված աղմուկից հետո Գոհար Հարությունյանը, նախքան դատի մեկնարկը, հուլիսի 12-ին փոխել էր հիմնադրամի անվանումը՝ գրանցելով «Միսս Արմենիա» համահայկական հիմնադրամը, մրցույթն էլ վերանվանել «Միսս Արմենիա 2017»։ Հիմա հայցվորի ներկայացուցիչ Հարություն Հարությունյանը դատարանին նոր միջնորդություն է ներկայացրել՝ վերանվանված հիմնադրամի նկատմամբ եւս հայցի ապահովում կիրառել։ Կենտրոն եւ Նորք-Մարաշ դատարանը բավարարել էր միջնորդությունը, ըստ այդմ՝ արգելել «Միսս Արմենիա» հիմնադրամին ապրանքային նշանի ցանկացած օգտագործում։

Մանրամասները` Hraparak.am-ում