Իսրայելի վարչապետ. «Մենք հավանություն ենք տալիս Թուրքիայի հետ ավիացիոն համաձայնագրին»
Իսրայելի վարչապետ Յաիր Լապիդը հայտարարել է, որ իրենք հաստատել են Թուրքիայի հետ ավիացիոն համաձայնագիրը։
«Որպես կառավարություն՝ մենք հավանություն ենք տվել Թուրքիայի և Իսրայելի միջև ավիացիոն կապեր հաստատելու համաձայնագրին»,- գրել է Իսրայելի վարչապետը Twitter-ում։
Լապիդը հայտարարել է, որ համաձայնագրով իսրայելական ավիաընկերություններն այժմ կարող են երկկողմանի թռիչքներ իրականացնել Ստամբուլից և Թուրքիայի այլ կետերից։
Մատնանշելով Իսրայելի և Թուրքիայի միջև հարաբերությունների կարգավորումը՝ Լապիդն ասել է.
«Այս համաձայնագիրը առաջին հերթին օգուտ կբերի իսրայելցի զբոսաշրջիկներին և իսրայելական ավիացիային: Սա նաև կարևոր ռազմավարական քայլ է տարածաշրջանում կայունության և բարգավաճման համար և էապես կնպաստի երկու երկրների միջև հարաբերությունների զարգացմանը: Հաջորդ քայլը դեսպանների փոխադարձ նշանակումն է»:
Հետևեք մեզ Facebook-ում