Ռուբինյանը ցավակցել է Քըլըչին Թուրքիայում տեղի ունեցած ՃՏՊ–ների կապակցությամբ

Հայ-թուրքական հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը ցավակցություն է հայտնել Թուրքիայում տեղի ունեցած խոշոր ճանապարհատրանսպորտային պատահարի կապակցությամբ։ Ցավակցական գրառումը նա կատարել է թվիթերյան իր օգտահաշվում։

«Իմ խորին ցավակցությունն եմ հայտնում բոլոր նրանց, ում հարազատներն ու ընկերները զոհվել են Գազիանթեփում և Մարդինում ճանապարհատրանսպորտային պատահարների ժամանակ։ Շուտափույթ ապաքինում վիրավորներին»,-գրել է Ռուբինյանը ՝ իր թվիթում նշելով Թուրքիայի հատուկ ներկայացուցիչ Սերդար Քըլըչին և Թուրքիայի ԱԳՆ-ին։

Հիշեցնենք, որ Երևանի «Սուրմալու» առևտրի կենտրոնի պայթյունի առիթով էլ ցավակցություն էր հայտնել Թուրքիայի հատուկ ներկայացուցիչ Սերդար Քըլըչը։