Եթե ես էլ բարոյականություն չունենայի, կարող էի պնդել, թե կեսգիշերին ուշ տանդ դուռն ով է թակում, ծրարով որքան գումար է բերում ծառայություններիդ դիմաց

5 Օգոստոս, 2022 11:54

Դիտել նաև

Դուք մի ամբողջ պատերազմ եք կեղծել, ձայնագրությունն ի՞նչ է, որ չկեղծեք. Ագնեսա Խամոյան Մեզ ո՞վ է սպասում Եվրոպական Միությունում․ Ագնեսա Խամոյանը՝ Զեյնալյանին Կարո՞ղ եք հստակ ասել, թե ո՞ր թվականից այլևս չենք ունենա բարձրագույն կրթություն չունեցող պարեկ․ Խամոյանը՝ ՆԳ փոխնախարարին (տեսանյութ) Ո՞ւր է անհետացել 1 տոննա կոկաինը, ովքե՞ր են կանգնած դրա հետևում. Ագնեսա Խամոյան. Տեսանյութ «Արդյո՞ք ՀԱՊԿ-ից դուրս գալու հող եք նախապատրաստում». Խամոյանը՝ Փաշինյանին

Սրանց(երբեմնի «ընդդիմադիր» «Նիկոլ ու ընկերներ» ՓԲԸ) ու մեր տարբերությունը գիտեք ո՞րն է, որտե՞ղ ենք մենք՝ որպես ընդդիմություն «պարտվում» սրանց, որ անբարոյական չենք, այո, սիրելի հայրենակիցներ, հենց «Նիկոլ ու ընկերներ»-ի չափ բարոյականության ոչ մի արգելակ, ոչ մի սահման չճանաչենք, հանուն իշխանության ճանապարհին չմտածենք, թե մեր քայլերը ինչ հնարավոր վնաս կարող են տալ ՊԵՏՈՒԹՅԱՆԸ, Ադրբեջանն ինչպես դա կօգտագործի(հանուն սրանց իշխանության պահպանության), ինչ ռազմական գործողություն կսկսի, քանիսը կզոհվեն, երկիր վերջում՝ կլինի, թե՝ չէ, հենց այս վտանգները ստորադասենք իշխանությունը վերցնելուց, այո, գուցե եւ ավելի արագ հաջողենք սրանց հեռացնելու հարցում։

Այո,կարող եք քննադատել, թե այդ դեպքում՝ ինչո՞ւ անբարոյական չենք։

Դա խոսելու, մեկ այլ թեմա է, հիմա Էդմոնի բարոյականության մասին՝

Ալիեւի հետ խաղեր տան, պատերազմը չկանխեն, հոկտեմբերի 19-ին չկանգնեցնեն, հազարավորներին զոհեն, հետո ցինիկաբար հայտարարեն՝ «դե արդյունքը նույն էր լինելու, բայց առանց զոհերի», «գերիները մի քանի ամիս էլ կսպասեն», «խաղաղություն» գոռալով ժողովրդին մոլորեցնեք, քվեն խլեք ու էլի նոր կորուստների տանեք, նոյեմբերի 9-ից հետո ադրբեջանցի բարձրաստիճան պաշտոնյաների ու զինվորականների հետ Արցախի չեղած նախագահ Արայիկ Հարությունյանով սիլիբիլի անեք, խոստումներ տաք Բերձորը շրջանցող ճանապարհի կառուցման, ժամկետների վերաբերյալ, առանց պլանի հաստատման Ադրբեջանի կողմից իրականացվող ճանապարհի շինարարության վերաբերյալ ծպտուն չհանեք, հետո լուրջ դեմքով աչքերներդ ճպճպացնեք ու ընդդիմությանը մեղադրեք ժողովրդին հետպատերազմյա ձեր դավադիր պլանների մասին ասելու համար։ Էդմոն, սա է քո բարոյականությունը: Ապացուցի’ր, հակառակը, Նիկոլի հատուկ գործերով դեսպան, կանգնիր եւ ասա հայ ժողովրդին, որ ադրբեջանցիներին նոր ժամկետ եք խոստացել՝ մինչեւ օգոստոսի ավարտ ազատել Բերձորը, ու նոր էսկալացիան սարերի հետեւում չէ։

Հ.Գ. Ի դեպ, եթե ես էլ բարոյականություն չունենայի, կարող էի պնդել, թե կեսգիշերին ուշ տանդ դուռն ով է թակում, ծրարով որքան գումար է բերում ծառայություններիդ դիմաց, հեռուներից էլ ինչ խաբար, բայց ես ձեզ նման չեմ!

Ագնեսա Խամոյանի ֆեյսբուքյան էջից