Թուրքական ընկերությունը մտադիր է երեք Bayraktar ԱԹՍ փոխանցել Ուկրաինային
Թուրքական Baykar Makina ընկերությունը հայտարարել է, որ մտադիր է երեք Bayraktar TB2 անօդաչու թռչող սարք (ԱԹՍ) անվճար փոխանցել Ուկրաինային։
«Գործարարներ ու հասարակ մարդիկ մի քանի օրվա ընթացքում մեծ ու փոքր միջոցներ են ներդրել այս նպատակին հասնելու համար։ Baykar-ը վճար չի ընդունի TB2-ի համար եւ երեք անօդաչու թռչող սարք անվճար կուղարկի ուկրաինական ճակատ»,- նշել է ընկերությունը Twitter-ում:
Անցյալ շաբաթ Թուրքիայի նախագահի աշխատակազմի պաշտպանական արդյունաբերության բաժնի ղեկավար Իսմայիլ Դեմիրը հայտարարել էր, որ երկիրն ավելի զգուշավոր է Ուկրաինային զենքի մատակարարման հարցում։ Հարցին՝ շարունակում է արդյո՞ք Թուրքիան զենք մատակարարել Ուկրաինային, մասնավորապես՝ Bayraktar TB-2 անօդաչու սարքեր, Դեմիրն ասել էր, որ ինչ-որ բան կատարվում է։ Ուկրաինացի եւ թուրք պաշտոնյաները հրաժարվել են մեկնաբանել Bayraktar TB-2 անօդաչու թռչող սարքերի հետագա մատակարարումները:
Հետևեք մեզ Facebook-ում