«Նա ունի ի՛ր ընտրությունը, դու՝ քո». Նազենի Հովհաննիսյանի լուսանկարն ու գրառումը

Դերասանուհի և հաղորդավարուհի Նազենի Հովհաննիսյանն Ինստագրամի իր էջում լուսանկար է հրապաարկել ու կից գրառում կատարել:

«Հուսահատությունը վարակիչ հիվանդություն է, պետք է ներս չթողնես, այլապես կորած ես: Լավատեսությունն էլ իհարկե ինքնախաբեություն պիտի չդառնա, դա նույնքան կործանարար կարող է լինել ինչպես անհատի, այնպես էլ մի ամբողջ ազգի համար:

Պետք է գտնել կայուն սթափությունը՝ առանց ինքդ քեզ հուսահատության անդունդը գլորելու կամ խաբելու... Ի վերջո ոչ ոք ու ոչինչ հավերժ չէ), դժվարություններն ու հաջողություններն էլ էդ թվում). դա արդեն հուսադրում է... Ես գիտեմ մի բան. կողքիդ մարդու ձեռքը պինդ բռնած պիտի պահես, նույնիսկ, եթե նա քեզ համոզում է, որ բաց թողնես...

Նա ունի ի՛ր ընտրությունը, դու՝ քո: Ես նախընտրում եմ ինձ համար թանկ ձեռքը ՊԻՆԴ բռնած պահել, որքան էլ դժվար լինի երբեմն: Իրար ուժ տալով է աշխարհը դեռ կանգուն... Մարդը՝ մարդով:

Սերը՝ սիրով: Իսկ Հույսը՝ Հավատով: Էդքան բան»,- գրել է նա: