«ԵՎՐՈՅՈՆՋԱՆԵՐ»

Ընդդիմադիր շատ գործիչներ տարակուսած, նաև զայրացած են եվրոպական կառույցների՝ ԵԱՀԿ,ԵԽ, ԵՄ, արևմտյան «ժողովրդավարական» երկրների ներկայացուցիչների արտասովոր պահվածքից։ Նրանք ոչ միայն «չեն նկատում» Հայաստանում կատարվող, մեղմ ասած անօրինականությունները, բռնությունները, խոշտանգումները, դատական և ՏԻՄ համակարգերի քայքայումը, այլև հիացած են Հայաստանի «ժողովրդավարության առաջընթացով, դատաիրավական բարեփոխումներով»։

Այս համատեքստում, չեմ ուզում խորանալ արևմուտքի աշխարհաքաղաքական շահերի հարցերում։

90-ականների վերջերին և 2000-ականների սկզբներին , նույն եվրոպական կառույցները, բավականին կոշտ գնահատական էին տալիս Հայաստանում անցկացված ընտրություններին, բայց ամեն դեպքում դրանք համարում լեգիտիմ և «քայլ առաջ»։ Սա կատաղացնում էր արդեն քաղաքական գործչի հայտ ներկայացրած միջակ,սկանդալային լրագրող, այսօրվա վարչապետ կոչեցյալին և նա այդ կառույցներին անվանեց «Եվրոյոնջաներ»։Հետագայում նա լավագույնս հասկացավ արևմտյան աշխարհի աշխարհաքաղաքական շահերը, հոգով և մարմնով տրվեց այդ շահերին, բնականաբար Հայաստանի և Արցախի հաշվին։

Այսօր նա ընդունելով այդ նույն կառույցների ժպտադեմ, խոնարհված ղեկավարներին, մտքում չարախնդում է․ « Էս չե՞ք, ա՛յ եվրոյոնջաներ»։

Իրավապաշտպան Ավետիք Իշխանյանի ֆեյսբուքյան էջից