Չի կարելի բացառել, որ ՀԱՊԿ խաղաղապահները պահանջված կլինեն Դոնբասում. Պետդումայի պաշտպանության հարցերով հանձնաժողովի նախագահ
ՌԴ Պետդումայի պաշտպանության հարցերով հանձնաժողովի ղեկավար Անդրեյ Կարտապոլովը կարծում է, որ չի կարելի բացառել ապագայում ՀԱՊԿ երկրներից խաղաղապահների պահանջը Ուկրաինայի «ազատագրված» տարածքներում, ինչպես նաև այսպես կոչված «Դոնեցկի և Լուգանսկի ժողովրդական հանրապետություններում», գրում է ՏԱՍՍ-ը:
«Չի կարելի բացառել, որ ՀԱՊԿ երկրներից խաղաղապահները պահանջված կլինեն Ուկրաինայի ազատագրված տարածքներում, Դոնեցկի և Լուգանսկի ժողովրդական հանրապետություններում, քանի որ մենք դժվար թե համաձայնվենք, որ ՆԱՏՕ-ի որևէ երկիր փորձի խաղաղապահների քողի տակ այնտեղ մտնել, չնայած այս թեման մեկ-երկու անգամ չէ, որ դաշտ է շպրտվել մեր նախկին արևմտյան գործընկերների կողմից», - ասել է նա երկուշաբթի Երևանում ՀԱՊԿ Խորհրդարանական վեհաժողովի խորհրդի նիստի շրջանակներում։Նրա խոսքով՝ մինչ ընթանում է հատուկ ռազմական գործողությունը, ՀԱՊԿ խաղաղապահների կարիք չկա, բայց դրա ավարտից հետո «հնարավոր են տարբեր տարբերակներ»։
Խորհրդարանականը նշել է, որ ՀԱՊԿ անդամ երկրների համար կարևոր թեմա է խաղաղապահ ներուժի հզորացումը և այս ոլորտում միասնական իրավական տարածքի ստեղծումը։
«Բավական երկար ժամանակ մենք մեր ընկերների հետ, ՀԱՊԿ անդամ երկրների խորհրդարանականների հետ աշխատում ենք այսպես կոչված մոդալ օրենքների վրա. սրանք օրենքներ են, որոնք շատ նման են, ինչը թույլ է տալիս դրանք կիրառել բոլոր պետությունների տարածքում՝ բոլորի համար հավասար հետևանքներով»,-հավելեց նա։
Աղբյուր՝ Tert.am
Հետևեք մեզ Facebook-ում