«Եթե նոր հարձակում լինի, մենք ընդլայնելու ենք գոյություն ունեցող անվտանգության գոտին». Լևոն Մնացականյան (Տեսանյութ)
Եթե նոր հարձակում լինի, մենք անցնելու ենք հակահարձակողական գործողությունների և ընդլայնելու ենք այսօրվա մեր գոյություն ունեցող անվտանգության գոտին: Այս մասին Հանրային հեռուստաընկերության «Օրակարգից դուրս» հաղորդման շրջանակներում հայտարարել է Արցախի պաշտպանության նախարար Լևոն Մնացականյանը:
«Եթե նոր հարձակում լինի, այդ հարձակման ընթացքում ջախջախիչ հարված հասցնելով հակառակորդին, իհարկե, մենք անցնելու ենք հակահարձակողական գործողությունների: Եվ այդ հակահարձակողական գործողությունների ընթացքում մենք ընդլայնելու ենք այսօրվա մեր գոյություն ունեցող անվտանգության գոտու լայնությունը և անվտանգության գոտու խորությունը, միանշանակ, 2016թ ապրիլյան գործողությունների այդ սահմանափակ հենակետերը, որ անցել են իրենց հսկողության տակ, միանշանակ վերականգնվելու են»,-ասել է Լևոն Մնացականյանը:
Հետևեք մեզ Facebook-ում