Ուրուգվայի ԱԳՆ-ն Չավուշօղլուի ժեստի համար կանչել է Թուրքիայի դեսպանին

Թուրքիայի արտաքին գործերի նախարար Մևլութ Չավուշօղլուի` Ուրուգվայի հայ համայնքին ուղղված նացիստական ժեստից հետո այդ երկրի արտգործնախարար Ֆրանսիսկո Բուստիժո Բոնասսոն Թուրքիայի դեսպան Հուսեյն Մուֆթյուօղլուին ապրիլի 25-ին կանչել է Էստևեզի պալատ։ Տեղեկությունը հայտնում է elpais.com-ը։

«Թուրքիայի արտգործնախարար Մևլութ Չավուշօղլուն այս ուրբաթ ժամանել է Ուրուգվայ՝ Ուրուգվայի արտաքին գործերի նախարարության հետ մի շարք հանդիպումներ անցկացնելու և երկրում Թուրքիայի դեսպանատուն բացելու համար։ Երդմնակալության ժամանակ հայկական խմբի անդամները ցույց էին անցկացնում դեսպանատան մոտ։ Դուրս գալով փողոց՝ թուրք պաշտոնյան ժեստ է արել իր մեքենայից, որը տեսագրվել է ցուցարարների կողմից ։

Եկեք լինենք հիշողության, ճշմարտության և արդարության արդար կողմում։

Ուրուգվայի հայկական խորհրդի իրավապաշտպան կազմակերպությունը հայտարարել է, որ այդ ժեստը վերաբերում է թուրքական «Գորշ գայլեր» ահաբեկչական կազմակերպությանը»,-ասված է հաղորդագրության մեջ։

Ավելի վաղ հայտնել-էինք, որ Ուրուգվայի հայերը բողոքի ակցիա էին իրականացրել՝ ընդդեմ Թուրքիայի ԱԳ նախարար Մևլութ Չավուշօղլուի՝ Ուրուգվայ կատարած այցի։ Նրանք պարզել են Հայաստանի դրոշն ու Հայոց ցեղասպանության մասին պաստառներ։ Թուրքիայի դեսպանատան շենքից հեռացող Չավուշօղլուն ծիծաղել է և ձեռքով թուրք ազգայնամոլ «Գորշ գայլի» նշանը ցույց տվել։

Աղբյուր` Փաստինֆո