Ընդդիմությունը փակել է Ֆրանսիայի հրապարակի բոլոր մուտքերը. Տեսանյութ

Ազատության հրապարակում տեղի է ունենում ընդդիմության կազմակերպած հանրահավաքը։

«Հայաստան» և «Պատիվ ունեմ» խմբակցությունների՝ հանրահավաքի վերաբերյալ հայտարարության մեջ ասվում է․ «Սիրելի’ հայրենակիցներ,

Ծանր վիճակում է Հայրենիքը, ծանր վիճակում ենք բոլորս։

Այս իշխանությունը պատրաստ է Արցախը թողնել Ադրբեջանի կազմում։

Այս իշխանությունը կատարում է թուրք-ադրբեջանական բոլոր պահանջները։

Պարտված ու անկարող գործող խմբակը միայն մեկ նպատակ ունի՝ երկարաձգել իր իշխանությունը։

Նրանք վտանգում են մեր պետականությունը, մեր ապագան, մեր կյանքը։

Ժողովրդի գլխին կախված նոր սպառնալիքները մտնելու են յուրաքանչյուր տուն, յուրաքանչյուր ընտանիք։

Այս ընթացքը պետք է կասեցնել։

Արցախի կողքին կանգնելով՝ պարտավոր ենք փրկել մեր արժանապատվությունը, մեր հայրենիքը, մեր ապագան։

Մեզ բերել են մի սահմանի, որից այն կողմ ազգային անդառնալի նվաստացումն է եւ ինքնիշխանության կորուստը։

Դիմում ենք բոլորին, կուսակցություններին եւ անհատներին, մտավորականությանը եւ հասարակական կազմակերպություններին, հայաստանցիներին, արցախահայությանը եւ Սփուռքին:

Կանգնենք կողք-կողքի, միասին ներկայացնենք մեր պահանջները։

Ապացուցենք, որ հայ մարդը կամք ու վճռականություն ունի։

Պաշտպանելով Արցախը՝ պաշտպանենք Հայաստանը։ Պաշտպանենք մեզ եւ մեր երեխաներին»։

Հանրահավաքն առաջարկում ենք դիտել ուղիղ հեռարձակմամբ։