Արևմուտքը որոշեց վերջնականապես «ձեռքերը լվանալ» Սաակաշվիլիի պաշտպանությունից

Ինչպես հայտնի է, վրացական բանտում գտնվող Միխեիլ Սաակաշվիլին դիմում բողոքով էր ներկայացել Մարդու իրավունքների երվոպական դատարան /ՄԻԵԴ/, խնդրելով քննել  բանտում իր հանդեպ վերաբերմունքը վրացական իշխանությունների կողմից:

Եվ ահա ՄԻԵԴ-ից եկած պատասխանը ցույց է տալիս, որ Արևմուտքում որոշել են «մոռանալ» Սաակաշվիլիի մասին:

ՄԻԵԴ-ում նշել են, որ Սաակաշվիլիի նկատմամբ որևէ առանձնահատուկ  բացասական վերաբերմունք չի արձանագրվել մարդու իրավունքների  տեսանկյունից, որ այդ եվրոպական կառույցը հատուկ վերաբերմունք ցույց տա: Ավելին, ՄԻԵԴ-ից գովել են վրացական իշխանություններին, որ վերջիններս լիովին պաշտպանում են այդ երկրի նախկին նախագահի բոլոր իրավունքները, իսկ նրա բուժումը ընթացել է բոլոր միջազգային չափանիշների համաձայն:

Այդ առիթով, սեփական պարտությունը կոծկելու համար, Սաակաշվիլին հայտարարեց, թե իբր ՄԻԵԴ-ին ինքն է խնդրել, որ իր հարցով այդ կառույցը ձեռնպահ  մնա որևէ քննարկումից, քանի որ ինքը՝ Սաակաշվիլին դեռ լիովին չի սպառել  իր պաշտպանության   բոլոր հնարավորությունները, վրացական իրավական դաշտի հարթակում: Սակայն այդ դեպքում հարց կարող էր առաջանալ, ինչու՞ էր նա դիմել ՄԻԵԴ իր իրավունքները պաշտպանելու համար: Պարզ է որ նա արդեն հասկացել էր, թե ինչ պատասխան էր գալու և այդ իսկ պատճառով խնդրել էր դադարեցնել իր դիմունի քննարկումը, որպեսզի կանխի սեփական պարտությունը:

Մինջդեռ, իր նախնական գնահատականներում, արդեն պարզ երևում էր ՄԻԵԴ-ի իրական տեսակետը այս հարցի վերաբերյալ:

Իսկ եթե հաշվի առնենք, որ սպորտից մինջև միջազգային հայտնի բիզնես կառույցներ մեկ կենտրոնի հրահանգով կարող են աշխարհով մեկ նույն որոշումը կայացնել, ապա հասկանալի է դառնում, թե ովքեր են  կանգնած  ՄԻԵԴ-ի այդ որոշման հետևում:

Իսկ ինչու՞ Արևմուտքը որոշեց իր նախկին «հոգեզավակին» զոհաբերել այս փուլում, դա արդեն այլ վերլուծության խոսակցություն է:

Սա է իրականությունը:

Արտակ Հակոբյան