Հարավային Օսիան շուտով իրավական քայլեր կձեռնարկի Ռուսաստանի Դաշնությանը միանալու համար

Հարավային Օսիան իրավական քայլեր կձեռնարկի Ռուսաստանի Դաշնությանը միանալու համար. Այս մասին հայտարարել է հանրապետության նախագահ Անատոլի Բիբիլովը։

«Ես կարծում եմ, որ Ռուսաստանի հետ միավորումը մեր ռազմավարական նպատակն է, մեր ուղին, ժողովրդի ձգտումները։ Եվ մենք այս ճանապարհով ենք շարժվելու»,-մեջբերում է նախագահին «ՌԻԱ Նովոստի»-ն։

Հարավային Օսիայի ղեկավարն ընդգծել է, որ հանրապետությունը պատրաստ է դառնալ իր պատմական հայրենիքի մի մասը։

Ռուսաստանի Դաշնությունը ճանաչեց Հարավային Օսիայի Հանրապետության անկախությունը 2008 թվականի օգոստոսին։ Ռուսերենը երկրի երկու պաշտոնական լեզուներից մեկն է 2012 թվականից։

Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևն ավելի վաղ հայտարարել էր, որ ՆԱՏՕ-ն և ԱՄՆ-ն լավ դասեր չեն քաղել Հարավային Օսիայի և Աբխազիայի անկախությունը ճանաչելուց։ Նրա խոսքով, Ռուսաստանն օգտագործելով ռազմական ուժ և քաղաքական կամք, օգնել է փրկել հարյուր հազարավոր մարդկանց կյանքեր։

Zham.am