Նիկոլ Փաշինյանը վախենո՞ւմ է մերժել Իլհամ Ալիևի հինգ կետանոց առաջարկները

Ինչպես հայտնի է, սկզբում Հայաստանն էր առաջարկել Ադրբեջանին, կարգավորման իր առաջարկները, որն Բաքուն մերժել էր: Եվ ահա Ադրբեջանն է հանդես եկել իր հինգ կետանոց առաջարկներով, որին պաշտոնական Երևանը լղոզված ձևով է արձագանքում: Հիշեցնենք, որ Հայաստանի նախկին  առաջարկը Բաքուն հրապարակավ մերժեց: 

Ադրբեջանի ներկայիս հինգ առաջարկների գլխավոր իմաստն այն է, որ Երևանը պետք է համաձայնվի, որ Արցախը մնա Ադրբեջանի կազմում: Թվում էր, թե Հայաստանի պատասխանը պիտի հստակ լիներ: Սակայն տպավորությունն այն է, որ Փաշինյանն ու իր շրջապատը չգիտեն, թե ինչ պատասխանեն Բաքվին:

Եթե համաձայնվեն, ապա կնշանակի, որ հրապարակավ կհամաձայնվեն Բաքվի հիմնական պահանջի հետ: Մյուս կողմից տպավորություն է ստեղծվում, որ Փաշինյանն ու իր թիմը վախենում են նաև հրապարակավ մերժել այդ առաջարկները: Այդ երկրնտրաքից դուրս գալու համար պաշտոնական Երևանը որոշել է այս խնդիրը տեղափոխել ԵԱՀԿ  Մինսկի խմբի հարթակ: Այլ կերպ ասաց, Երևանը ուզում է, այսպես ասաց «տղա կանչել» ադրբեջանցիների վրա ի դեմս Մինսկի խմբի: Սակայն իրականությունն այն է, որ  Մինսկի Խումբը երբեք չի ունեցել այդ խնդիրները լուծելու մանդատ: Նրանք զբաղված են եղել բացառապես ԼՂՀ հարցի լուծմամբ:  Այսօր, երբ Ռուսաստանի ու ԱՄՆ-ի միջև այսպիսի լարված հարաբերություններ է առաջացել, նրանք առավել ևս նոր խնդիրների լուծման բեռ իրենց վրա չեն վերցնի:

Տպավորությունն այնպիսին է, որ Փաշինյանն վախենում է մերժել Ալիևին և այդ իսկ պատճառով փորձում է այս հարցը ձգձգել, այլ հարթակներ տեղափոխել, միայն թե Ադրբեջանի հետ չմնա միայնակ բանակցային գործընթացում:

Սա՛ է իրականությունը:

Արտակ Հակոբյան