Արցախի ՊԲ ից տեղեկացնում են, որ թշնամին բացի հրաձգային զենքերից օգտագործում է նաեւ ականանետեր

Սկզբից նրանք բարձրախոսով օրեր շարունակ հայտարարում եւ պահանջում էին, որպեսզի սահմանամերձ գյուղերի բնակիչները հեռանան իրենց տներից, զուգահեռ տեղեկատվական արշավ են սկսում ռուս խաղաղապահ զորակազմի դեմ, որից հետո վնասում են գազատարը, որպեսզի էլ ավելի մեծ ճնշում գործադրվի խաղաղ բնակչության վրա, եւ հիմա արդեն հրաձգային զենքերից բացի օգտագործում են նաեւ հրետանային միջոցներ։

 

Պարզ տրամաբանությունը հուշում է , որ վերը նշված հանգամանքներին եթե գումարենք նաեւ ռուս-ուկրաինական պատերազմը եւ դրանից բխող հնարավոր հետեւանքները, ապա այսպես կոչված խաղաղության դարաշրջան բացելու ֆեյք օրակարգը պետք է նետել համապատասխան տեղ, եւ դրա փոխարեն առնվազն «պադվալները» կարգի բերել, եւ հասարակությանը պատրաստել բոլոր հնարավոր զարգացումներին, այլ ոչ թե առավոտից իրիկուն կեղծ օրակարգերով բթացնել եւ թուլացնել բանակի, հասարակություն եւ ընդհանուր առմամբ պետության իմունիտետը։