Ժիրինովսկու՝ հայ կանանց, Հայաստանի պաշտպանության երկրորդ էշելոն լինելու և հայկական ադաթների մասին ոչ միանշանակ ելույթը (տեսանյութ)

Հայաստանումհատուկվերաբերմունք է կանանց նկատմամբ, նրանք այլ ապրելակերպ են վարում, հայտարարեց Ռուսաստանի լիբերալ-դեմոկրատական կուսակցության նախագահ Վլադիմիր Ժիրինովսկին երեկ ՌԴ Պետդումայում գործընկներներին կոչ անելով քվեարկել Ռուսաստանի և Հայաստանի միջև կնքված՝ համատեղ զորախումբ ստեղծելու համաձայնագրի օգտին:

«Այնտեղ աղջիկները միայնակ չեն զբոսնում փողոցով, չեն ծանոթանում տղամարդկանց հետ, և ամուրիներն այնտեղ անելու բան չունեն: Հայաստան լավ է ուղղել ամուսնացած զինվորներ ու սպաներ, ընտանիքի մարդկանց», — ասաց նա:

Վլադիմիր Ժիրինովսկին նաև ընդգծեց Հայաստանում ռուսաստանյան զորախմբի ավելացման կարևորության համար առավել արդյունավետ զսպելու հնարավոր ռազմական բախումները այլ երկրների կողմից: 

«Հայաստանը մեր պաշտպանության երկրորդ էշելոնն է և այդպես միշտ է եղել: Մեր հարյուր հազարավոր զինվորները մարտնչել են այնտեղ, պաշտպանել սահմանները, զոհվել այնտեղ: Հայաստանը մեզ միշտ շնորհակալ է եղել, հենց այնտեղ սկսվեց Թուրքիայի կողմից ճնշումները հայերի վրա, միջազգային պայքարը», — ասաց նա, հիշելով Հայոց ցեղասպանությունը և աշխարհի լռությունը:

«Հայաստանը լեռնային երկիրն է այնտեղ, ինչպես ասում են, ման գալու տեղ չկա: Եւ ավանդույթները խիստ են: Այնտեղ անգամ կատակել չի կարելի: Եթե մենք ռուսներս կատակում ենք, այնտեղ աչքերն այնպես են վառվում, կարծես, վիրավորեցիր: Երբ մենք ասում ենք՝ սաթի պես սև ես դարձել, նրանք սև բառը՝ որպես վիրավորանք են ընկալում...», - ասաց նա:

Ժիրինովսկին նաև հայտարարեց, որ հետագայում պետք է նախատեսել, որ բոլոր ռազմակայանների հրամանատարությունը լինի ՌԴ ՊՆ ու Գերագույն Գլխավոր հրամանատարի ձեռքերում:

Տեսանյութը կարող եք դիտել 09:00 րոպեից:

Zham.am