Հայաստանի ապագան Ռուսաստանի հետ է՝ որպես համաշխարհային անվտանգության նոր ուժային կենտրոնի ճարտարապետներից մեկի

Դոնեցկի և Լուգանսկի ժողովրդական հանրապետությունների ճանաչումից մեկ, երկու օր առաջ ՌԴ պաշտոնական ներկայացուցիչները հայտարարում էին, որ Դոնեցկի հարցը պետք է լուծվի Մինսկի համաձայնագրերի հիման վրա։

ԱՄՆ-ում Ռուսաստանի դեսպանն էլ ասել էր, որ Դոնեցկն ու Լուգանսկը Ուկրաինայի տարածքներ են։

Ավելի վաղ, Դումայում քվերկության օրը, սեղանին էր դրված երկու նախագիծ։ Մեկը կոմունիստների նախագիծն էր ճանաչման մասին, մյուսը՝ Единая Россия-ինը։ Ինչպես հայտարարվեց քվեարկությունը եղել է առանց կուսակցական կարգապահության և պատգամավորներն ազատ են քվեարկել։

Ըստ այդմ եզրակացրեցի, որ Ռուսաստանը կգնա Դոնբասին զենք մատակարարելու ճանապարհով, այլ ոչ թե ճանաչման, քանի որ ճանաչումից հետո Ռուսաստանին հեշտ օրեր չեն սպասվում։

Ուրախ եմ, որ սխալվեցի, քանի որ Դոնեցկի և Լուգանսկի ճանաչումը խոսում են այն մասին, որ Ռուսաստանն այնքան է ուժեղացել, որ կարող է անել քայլեր՝ չվախենալով ոչ մի տեսակի պատժամիջոցներից։

Սրանով հօդս է ցնդում այն քարոզչական գիծը, որ Ռուսաստանն իբր կործանվում է, իբր կորցրել է Հարավային Կովկասը, միջին Ասիան և այլն։

Հայաստանի ապագան Ռուսաստանի հետ է՝ որպես համաշխարհային անվտանգության նոր ուժային կենտրոնի ճարտարապետներից մեկի, ելնելով նաև մեր համատեղ անցած պատմական ճանապարհից։ Հայաստանի ապագան Ռուսաստանի գլխավորությամբ գոյություն ունեցող Միութենական պետության կազմի մեջ է։

Հայկ Այվազյանի ֆեյսբուքյան էջից