Ռուս դեսպան. «Թուրքիայի և Ռուսաստանի միջև չկան արգելված թեմաներ»

Թուրքիայում Ռուսաստանի Դաշնության (ՌԴ) նորանշանակ դեսպան Ալեքսեյ Յերխովը հայտարարել է, որ ռուս-թուրքական հարաբերությունները հասել են այնպիսի մակարդակի, որ երկու երկրների միջև չկան արգելված թեմաներ:

Դեսպանի գնահատմամբ՝ տարբեր ոլորտներում համագործակցությունը բխում է թե Թուրքիայի և թե Ռուսաստանի շահերից:

Երխովը հույս է հայտնել, որ երկու երկրները հաջող կհամագործակցեն նաև ռազմատեխնիկայի ոլորտում:

Հիշեցնենք, որ Յերխովը զբաղեցրել է նախկին դեսպան Անդրեյ Կարլովի տեղը, որը սպանվեց 2016թ. դեկտեմբերի 19-ին՝ Անկարայում։ Ըստ Անկարայի գլխավոր դատախազության՝ ռուս դեսպանը սպանվել էր գյուլենական համայնքի ներկայացուցիչների հրահանգով:

Աղբյուր` Ermenihaber.am