14-ամյա աղջիկը զոհվել է սմարթֆոնի պատճառով

Մեդիսոն Քոու անունով ամերիկուհին զոհվել է սեփական տանը սմարթֆոնից սխալ օգտվելու հետևանքով: 14-ամյա Մեդիսոնը որոշել էր լոգանք ընդունել և իր հետ բաղնիք է տարել լիցքավորման սարքը: Սարքի ու ջրի վտանգավոր հարևանությունը հանգեցրել է աղջկա մահվան: Հաղորդում է «PhoneArena»-ն:

Քոուի ընտանիքը սկսել է կանխարգելիչ տեղեկատվություն տարածել սոցիալական կայքերում՝ մարդկանց հնարավոր վտանգից ապահովագրելու համար:

«Այդ ողբերգությունը չպետք է նորից կրկնվի որևէ մեկի հետ: Մենք ցանկանում ենք, որ բոլորը գիտակցեն լոգարանում լիցքավորման սարքին միացրած հեռախոսի վտանգավորությունը...», - հայտարարեց զոհված աղջկա տատիկը:

Մեդիսոնի ընկերները «GoFundMe» ռեսուրսում գումար են հավաքում նրա թաղման արարողության համար:

«Մենք աջակցում ենք Մեդիսոնի ծնողներին այս դժվարին պահին», - ասվում է «GoFundMe»-ում:

Zham.am