29-ամյա երիտասարդը ձերբակալվել է՝ սպանության փորձ կատարելու կասկածանքով
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
67-ամյա կնոջ սպանության կասկածանքով ձերբակալվել է 42-ամյա որդին
Սպանվածի որդին ոչ սթափ վիճակում վրեժ է լուծել. ՔԿ-ն մանրամասներ է հայտնում Եղեգնաձորում սպանության փորձից
37-ամյա տղամարդու սպանության գործով մեղադրանք է առաջադրվել 3 անձի
Մայրը, տատը և խորթ հայրը կասկածվում են երեխայի սպանության մեջ
Սպանության փորձ Սարի թաղում. մեղադրանք է առաջադրվել նույն թաղամասի 39-ամյա բնակչին
ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնում ձեռնարկված քննչական և դատավարական այլ մեծածավալ գործողությունների, ինչպես նաև ՀՀ ոստիկանության աշխատակիցների հետ համատեղ իրականացված անհրաժեշտ միջոցառումների արդյունքում բացահայտվել է նախօրեին 36-ամյա տղամարդու նկատմամբ առերևույթ կատարված սպանության փորձի դեպքը:
Նախնական տեղեկություններով, 2022թ. փետրվարի 10-ին` ժամը 17:25-ին, բժշկական կենտրոնից հաղորդում է ստացվել այն մասին, որ նույն օրը «Կտրած-ծակած, հարթ եզրերով արյունահոսող, այդ թվում` որովայնի խոռոչ թափանցող վերքեր՝ ստամոքսի վնասումով» ախտորոշմամբ իրենց մոտ է տեղափոխվել Երևան քաղաքի՝ 36-ամյա բնակիչ:
Դեպքի առթիվ ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնում հարուցվել է քրեական գործ` ՀՀ քրեական օրենսգրքի 34-104-րդ հոդվածի 1-ին մասով:
Իրականացված անհետաձգելի միջոցառումների արդյունքում պարզվել են դեպքի՝ էական նշանակություն ունեցող մի շարք հանգամանքներ, այդ թվում՝ դեպքի վայրը, ենթադրյալ հանցագործություն կատարած անձի ինքնությունը, ով Երևան քաղաքի՝ 1992 թվականին ծնված բնակիչ է, ինչպես նաև հայտնաբերվել է որպես հանցագործության գործիք հանդիսացող դանակը:
Նախաքննության ընթացքում կատարվել է դեպքի վայրի զննություն, որի ընթացքում հայտնաբերվել են արնանման հետքեր, վերցվել են փորձանմուշներ, առգրավվել են տուժողի և առերևույթ հանցագործություն կատարած անձի հագին՝ դեպքի պահին եղած հագուստները: Տուժողի մարմնական վնասվածքի բնույթը, ծանրության աստիճանը, առաջացման մեխանիզմը և մի շարք այլ հանգամանքներ պարզելու նպատակով նշանակվել է դատաբժշկական փորձաքննություն:
Իրականացված օպերատիվ-հետախուզական միջոցառումների արդյունքում ենթադրյալ հանցագործություն կատարած անձը հայտնաբերվել և ձերբակալվել է՝ 36-ամյա տղամարդու նկատմամբ սպանության փորձ կատարելու կասկածանքով, և հարցաքննվել է դեպքի հանգամանքների շուրջ:
Նախաքննությունը շարունակվում է:
Հետևեք մեզ Facebook-ում