Թուրքական նախապայմանները որևէ ձևով չի կարելի բավարարել, ՀՀ-ն պետք է նշի իր կարմիր գծերը․ Անդրանիկ Թևանյան. Տեսանյութ

Թուրքիան ու Ադրբեջանը Շուշիում կնքել են ռազմաքաղաքական դաշինք։ Ըստ այդմ՝

–համարում են Ղարաբաղն Ադրբեջանի մաս,

–նկրտումներ ունեն Հայաստանի տարածքների նկատմամբ՝ ձգտելով «Զանգեզուրի միջանցքի» բացմանը,

–ժխտում են Հայոց ցեղասպանությունը և հարցը համարում լոկ պատմագիտական քննության առարկա,

–թեև նշում են, որ դաշինքն ուղղված չէ երրորդ երկրի դեմ, սակայն այն ամբողջությամբ հակահայկական է և հակադրվում է ՀՀ անկախության հռչակագրի անկյունաքարային դրույթներին։

Թուրքիայի ու Ադրբեջանի խորհրդարանները վավերացրել են «Շուշիի հռչակագիրը»։ Հայաստանի պետական մարմիններից զրո արձագանք։ Ինչպես որ Ալիևի նվաստացումներին ի պատասխան ծպտուն չի հանում Նիկոլ Փաշինյանը, այնպես էլ կառավարությունը, խորհրդարանը, ԱԳՆ–ը չեն արձագանքում մեր հարևանների հակահայ վարքագծին։

Թքում են երեսներին, սրանք ասում են՝ անձրև է գալիս։ Սա՛ է «Խաղաղության դարաշրջան» կոչվածի բուն էությունը։