Ռուսաստանի հարավում զորավարժություններ են անցկացվում

Մեկնարկել են ուժեղացված վաշտերի զորավարժությունները...

Հարավային ռազմական օկրուգի (ՀՌՕ) զորամիավորումներում մեկնարկել են ավելի քան 30 երկկողմ վաշտային մարտավարական զորավարժությունները՝ հրթիռային համալիրների եւ զրահատեխնիկայի կիրառմամբ, լրագրողներին տեղեկացրել է ՀՌՕ մամուլի ծառայության պետ Վադիմ Աստաֆեւը։

«Մարտավարական զորավարժություններին մասնակցում են համազորային բանակների, Կասպյան նավատորմիկի եւ ՀՌՕ բանակային կորպուսի գումարտակային մարտավարական խմբերի ուժեղացված վաշտերը»,- ասել է Աստաֆեւը՝ նշելով, որ վարժանքներն ընթանալու են առաջիկա երեք շաբաթներին։

Զինծառայողները ուսումնամարտական առաջադրանքները կատարում են ՀՌՕ 15 համազորային զորավարժարաններում, որոնք տեղակայված են Վոլգոգրադի մարզում, Ստավրոպոլի երկրամասում, Ադիգեյում, Չեչնիայում, Դաղստանում, Կարաչաեւո-Չերկեսիայում, Հյուսիսային Օսիայում, Ինգուշիայում, ինչպես նաեւ Աբխազիայի եւ Հարավային Օսիայի ռուսական ռազմակայաններում։

Յուրաքանչյուր մարտավարական զորավարժությանը մասնակցելու են 400 զինծառայող եւ մոտ 80 միավոր ռազմական եւ հատուկ տեխնիկա։ Այդ թվում՝ զորավարժություններում գործի են դրվելու Т-72Б3 տանկեր, ՀՄՄ-3 մարտական մեքենաներ, ԲՏՌ-82А զրահամեքենաներ, «Կոռնետ» եւ «Խրիզանտեմա-С» հակատանկային հրթիռային համալիրներ, հրետանային տարբեր սարքավորումներ եւ հրաձգային զինատեսակներ։