Թուրքիայի փոխնախագահ. «Փաշինյանը կարող է մարտին այցելել Թուրքիա»: Ի՞նչ է այս մասին ասում Հայաստանի ԱԳՆ-ն

Նիկոլ Փաշինյանը մարտին կարող է այցելել Թուրքիա՝ մասնակցելու Անթալիայում կայանալիք դիվանագիտական ​​համաժողովին. Այդ մասին ուրբաթ օրը A Haber հեռուստաալիքին տված հարցազրույցում ասել է Թուրքիայի փոխնախագահ Ֆուաթ Օքթայը, գրում է ՏԱՍՍ-ը։

«Թեև Ղարաբաղի վերջին «ազատագրումը» և այն գործընթացը, որին մենք մինչև վերջ աջակցում ենք, ընկալվում է որպես պատերազմ, իրականում դա խաղաղության բանալին է։ Նշանակվել են հատուկ ներկայացուցիչներ, փոխադարձ դրական ուղերձներ են հնչել։ Մենք ցանկանում ենք, որ այս գործընթացը արագանա։ Փաշինյանը Անթալիայում կմասնակցի դիվանագիտական ​​համաժողովին»-, ասել է քաղաքական գործիչը։

Ավելի ուշ հայկական կողմը հերքել է այդ նորությունը: «Նիկոլ Փաշինյանի այց Թուրքիա և մասնակցություն Անթալիայի դիվանագիտական համաժողովին չի քննարկվում»-, այս մասին հայտնել է ՀՀ ԱԳՆ խոսնակ Վահան Հունանյանը։

Zham.am