Տյումեն քաղաքում հայկական եկեղեցու շինարարությունը շարունակվում է

ՏՅՈՒՄԵՆ ՔԱՂԱՔՈՒՄ ՀԱՅԿԱԿԱՆ ԵԿԵՂԵՑՈՒ ՇԻՆԱՐԱՐԱՈՒԹՅՈՒՆԸ ՇԱՐՈՒՆԱԿՎՈՒՄ Է

ՌԴ Տյումենի մարզում, որտեղ ապրում է շուրջ 25000 հայ, կառուցվում է հայկական առաջին եկեղեցին։ Աղոթատան շինարարական աշխատանքները սկսվել են 2019 թվականի սեպտեմբերից։

Եկեղեցու հիմնօրհնեքի արարողությունը տեղի է ունեցել հոկտեմբերի 26-ին՝ Ռուսաստանի և Նոր Նախիջևանի հայոց թեմի առաջնորդ Տեր Եզրաս արքեպիսկոպոս Ներսիսյանի հանդիսապետությամբ։

Եկեղեցու ատենապետ, բարերար Աբրահամ Հովեյանը հետևում և կազմակերպում է շինարարական աշխատանքները, որոնք անխափան շարունակվում են անգամ համավարակի օրերին։

Եկեղեցու կառուցման համար բեռնատար մեքենաներով Հայաստանից տեղափոխվել է շուրջ 300 տոննա հրաբխային տուֆե սալիկներ։

Ամռան ամիսներին ավարտվել են եկեղեցու արտաքին հարդարման աշխատանքները։ Տեղադրվել են յոթ զանգերն ու գմբեթը։

Այժմ կատարվում են եկեղեցու ներքին հարդարման և հարակից տարածքների բարեկարգման աշխատանքները։

Մոսկվայի Հայ Առաքելական Եկեղեցի