Առատ ձյունը կաթվածահար է արել Ստամբուլը, չվերթերը չեղարկվել են, կան զոհեր

25 Հունվար, 2022 17:29

Դիտել նաև

Հանրապետության տարածքում սպասվում են տեղումներ՝ նախալեռնային և հովտային շրջաններում՝ անձրևի, լեռնային շրջաններում՝ ձյան և ձնախառն անձրևի տեսքով․ օդի ջերմաստիճանը կնվազի Փետրվարի սկզբին սպասվում է ձյուն. ջերմաստիճանն աստիճանաբար կբարձրանա 5-7 աստիճանով Էջմիածինը ձյան տեղումներից հետո անտերության է մատնվել (տեսանյութ) Սպասվում է ձյուն. օդի ջերմաստիճանը կբարձրանա Սպասվում է ձյուն

Ստամբուլում ձյան առատ տեղումները չեն դադարում արդեն մի քանի օր։ Վատ տեսանելիության պատճառով իշխանությունները փակել են նավերի շարժը Բոսֆորի երկայնքով։ Միջքաղաքային ավտոբուսների սպասարկումը դադարեցվել է. հայտնում է Euronews-ի թուրքական ծառայությունը։

Ստամբուլի հյուսիսում ավտոբուսի երկու վթարի հետևանքով երեք մարդ է զոհվել, 18-ը՝ վիրավորվել։

Օդերևութաբանները կանխատեսում են, որ Ստամբուլում տեղումները կշարունակվեն մինչև չորեքշաբթի, դրանց ինտենսիվությունը կնվազի մինչև ուրբաթ։ Քաղաքի բնակիչներին խնդրել են անհարկի չերթևեկել հանրային ճանապարհներով։

Նաև մի քանի ժամով փակվել են Անկարայի և Ստամբուլի միջև մայրուղին, ինչպես նաև դեպի Ստամբուլի օդանավակայան մուտքի ճանապարհները։

Քաղաքացիական ծառայողների աշխատանքային օրը կրճատվել է մի քանի ժամով։ Առաքիչների աշխատանքը երկանիվ մեքենաներով, մինչև հետագա ծանուցումը, դադարեցվել է։

Մեգապոլիսի երկու օդային նավահանգիստներում տասնյակ չվերթեր են չեղարկվել։ Ստամբուլի նոր օդանավակայանում ձյան ծանրությունից փլուզվել է տանիքը:

Աղբյուրը՝ yerkir.am