«Հիվանդությունն իսկապես սարսափելի է». Անաստասիա Զավորոտնյուկի դուստրը պատասխանել է մոր առողջության մասին հարցին

«Моя прекрасная няня» սերիալի աստղ Անաստասիա Զավորոտնյուկի դուստրը՝ Աննան, Instagram-ի Stories բաժնում խոստովանել է, որ դժվար է տեսնել հիվանդ մորն այդ վիճակում եւ նրան ռազմիկ է անվանել: Նրա խոսքերը փոխանցում է KP.RU-ն։

«Բայց հիվանդությունն իսկապես սարսափելի է։ Սիրտս կտոր-կտոր է լինում նրան այդ վիճակում տեսնելիս», - հավելել է նա։

Աղջիկը նաեւ կիսվել է տխրության եւ ապատիայի դեմ պայքարի իր մեթոդներով։ Նա պատմել է, որ դրական տրամադրվածությունը պահպանելու համար իրեն օգնում են ճանապարհորդություններն ու մտերիմները։

«Ես փորձում եմ թախծելու ժամանակ տալ ինձ, նախկինում զայրացել եմ ինձ վրա, իսկ հիմա ընդունել եմ այդ ցավը, այն միշտ ինձ հետ է», — ամփոփել է նա:

Անաստասիա Զավորոտնյուկի մոտ ուղեղի քաղցկեղ է ախտորոշվել 2019 թվականին։ Դերասանուհու ներկայացուցիչները հրաժարվում են մեկնաբանել նրա վիճակը։ Ենթադրվում է, որ ներկայումս դերասանուհին բուժվում է հիվանդանոցից դուրս։