Ալեն Սիմոնյանն ԱՄՆ է մեկնել բիզնես դասով և կնոջ հետ. Արշակյանը չհերքեց. Տեսանյութ

Ոչ պաշտոնական տեղեկատվության համաձայն՝ Ալեն Սիմոնյանը պատվիրակության կազմում ներառել է նաև իր կնոջը և օգտվել ինքնաթիռի բիզնես դասի տոմսից, այսինքն՝ թանկ տարբերակից։

ԱԺ այսօրվա նիստում ՔՊ-ական Հակոբ Արշակյանից հետաքրքվեցի՝ տեղյա՞կ է Ալեն Սիմոնյանի ամերիկյան վոյաժներին վերաբերող իմ կողմից նշած ոչ պատոնական տեղեկություններից։ Նաև անհրաժեշտ համարեցի, որ հանրությանը տեղեկացվի, թե որքա՞ն գումար է պետական բյուջեից, այսինքն՝ Հայաստանի հպարտ քաղաքացիների գրպանից ծախսվել այդ այցի համար։

Հակոբ Արշակյանն, ըստ էության, չհերքեց իմ նշած տեղեկությունները։

Ի դեպ, ԱԺ նախագահ աշխատելուց ի վեր 4 ամիսների ընթացքում Ալեն Սիմոնյանը 7 երկիր է մեկնել գործուղումների, ինչի համար պետական բյուջեից ծախսվել է շուրջ 120 հազար դոլար: Չհաշված՝ միկոնոսյան հայտնի շրջագայությունը։

Հիշեցնեմ, որ այս իշխանության տարբեր ներկայացուցիչներ մի պահ ՓՌ-ի և տեսարաններ ապահովելու շրջանակներում այլ երկներ էին մեկնում էկոնոմ դասով, իսկ աշխատանքի էին գնում հեծանիվով կամ մետրոյով։ Հիմա ձևականությունների հետևից չեն ընկնում ու բյուջեի մեջ են մտնում հեղափոխական էնտուզիազմով։