Սիրելի պարոն Դավոյան, եթե երկնքում հանդիպեք Ձեր սիրելի ընկերոջը՝ Ֆերդինանդին, խնդրում եմ իրեն մի ասեք, թե ինչ է կատարվել իր պաշտելի Հայրենիքում

Վերջին մակագրությունը 2020 թվականին և վերջին հանդիպումը՝ 2021 թվականի օգոստոսի 10-ին։

Երկնային լուսավոր ճանապարհ է բռնել ոչ միայն մեծանուն բանաստեղծը, թարգմանիչը, հրապարակախոսն և ազգի ցավով ապրող ու պայքարող մարդը, այլև հայրիկիս վաղեմի ընկերն ու մեր ընտանիքի լավ բարեկամը, ով Ֆերդինանդ Ղազարյանին իր հրաշալի եղբայրն էր համարում։

Սիրելի պարոն Դավոյան, եթե երկնքում հանդիպեք Ձեր սիրելի ընկերոջը՝ Ֆերդինանդին, խնդրում եմ իրեն մի ասեք, թե ինչ է կատարվել իր պաշտելի Հայրենիքում, ինչ ողբի ու ցավի մեջ է հայտնվել մեր երկիրն ու ժողովուրդը։ Թող նրա հոգին դեռ փառավորվի իր սիրած «Զարթնի՛ր լաո»-ով։

Իսկ մենք կշարունակենք Ձեր ազնիվ պայքարը և կփորձենք վաստակել Ձեր գերեզմանին այցելելու իրավունքը։

Գնա՛ք խաղաղությամբ, սիրելի Ռազմիկ Դավոյան։

Էդգար Ղազարյանի ֆեյսբուքյան էջից