«Հայաստան» խմբակցության թեկնածուի չընտրվելու հարցը կլուծվի այլ ճանապարհով. ՔՊ-ն առաջարկում է փոխել սահմանադրական օրենքը

ԱԺ մեծամասնությունը որոշել է լուծել ԱԺ պաշտպանության ու անվտանգության հարցերի մշտական հանձնաժողովի փոխնախագահի ընտրության արդեն շուրջ կես տարի ձգձգվող խնդիրը։

Հիշեցնենք, որ այդ պաշտոնում թեկնածու առաջադրելու իրավունքը ընդդիմությանն է, իսկ ընդդիմությունն ավելի քան տասը անգամ այդ պաշտոնում առաջադրել է նույն թեկնածուին, որին դեմ է «Քաղաքացիական պայմանագիր» խմբակցությունը:

«Քաղաքացիական պայմանագիր» խմբակցության անդամ Վիլեն Գաբրիելյանն այդ նպատակով առաջարկում է փոփոխել «Ազգային ժողովի կանոնակարգ» սահմանադրական օրենքը։ Օրենքում առաջարկող փոփոխությունների նախագիծն այսօր քննարկվել և դրական եզրակացություն է ստացել պետաիրավական հարցերի մշտական հանձնաժողովի նիստում։