Մոտ օրերս Ադրբեջանը մեծ պրովոկացիա է պատրաստում Ղարաբաղի դեմ. VIDEO. AUDIO

Վերջին օրերին կտրուկ սրվել է շփման գիծը: Օրեր առաջ ադրբեջանական կողմը պրովոկացիոն հարձակման էր ենթարկել ԼՂՀ Պաշտպանության նախարարության դիրքերը: Ադրբեջանական լրատվամիջոցները նույնիսկ չէին էլ թաքցնում իրենց հրճվանքն այդ առիթով: Եվ ահա ի պատասխան այս քայլի երեկ երեկոյան ԼՂՀ Պաշտպանության բանակի ստորաբաժանումները ստիպված են եղել ձեռնարկել պատասխան գործողություններ, ինչի արդյունքում վնաս է հասցվել Ալխանլու գյուղում տեղակայված կրակակետին: Ադրբեջանական կողմից կան զոհեր և վիրավորներ: Ադրբեջանական լրատվամիջոցների համաձայն, զոհերի թվում իբր կան նաև խաղաղ բնակիչներ, այդպես է դա թե ոչ, դժվար է ասել, սակայն այս առիթը օգտագործելով ադրբեջանական ռազմաքաղաքական մեքենան հակաղարաբաղյան աննախադեպ հիստերիա է սկսել, որը հղի է ադրբեջանցիների կողմից անկանխատեսելի քայլերով: Քանզի եթե այդ քարոզչամեքենան նախապատրաստում է սեփական բնակչությանը հայերին պատասխանելու խնդրին, ապա ամենայն հավանականությամբ Բաքուն կգնա այդ քայլին` սեփական ժողովրդի առջև իր դեմքը փրկելու համար:
Հիստերիան հասել է այն չափ, որ այդ երկրի նախկին արտգործնախարար Թոֆիկ Զուլֆիգարովը նույնիսկ առաջարկել է համակարգված ռազմական հարվածներ հասցնել ոչ միայն Ղարաբաղին, այլև Հայաստանին: Հասկանալի է, որ այս հիստերիայի տակ չմնալու համար Բաքուն ինչ – որ քայլեր է նախապատրաստում: Իսկ ինչպիսին կլինեն այդ գործողությունները, կիմանանք մոտ օրերս:

Հակոբ Կարապետյան