«Առավոտ». Ես իմ ամբողջ աշխատավարձը դրել եմ բանկում, որպեսզի տոկոս ստանամ. Հրանուշ Հակոբյան
«Սփյուռքի նախարար Հրանուշ Հակոբյանը մի քանի տարի առաջ հայտարարում էր, որ բացի հագուստներից՝ ոչինչ չունի, ավելի ուշ նա ասաց, որ 2000 թվականից սկսած աշխատավարձը հավաքում է, որ տուն առնի, որովհետև ապրում է ընդամենը 32 քմ տարածքով բնակարանում։
«Առավոտ»-ը նախարարից հետաքրքրվել է՝ իր ներկայացրած հայտարարագրում բավականին մեծ գումար ունի՝ մոտ 100 հազար դոլարի փոխառություն, ինչպե՞ս է, որ տարիներ շարունակ չի կարողացել մի տուն առնել՝ այդքան խոշոր գումարներ ունենալով։ Հրանուշ Հակոբյանը պատասխանել է. «Փոխառություն չէր, ես իմ ամբողջ աշխատավարձը դրել եմ բանկում, որպեսզի նաև տոկոս ստանամ։ Ես ավանդ եմ դրել և ավանդի արդյունքում համատեղ սեփականության իրավունքով 90 քմ տարածքով բնակարան եմ ձեռք բերել՝ Զեյթունում՝ Պարույր Սևակ փողոցում։ Նորակառույցներ են՝ պետական ծառայողների համար, այնտեղ եմ ձեռք բերել»,-գրում է թերթը:
Նյութն ամբողջությամբ` «Առավոտ»-ի այսօրվա համարում:
Հետևեք մեզ Facebook-ում