Ժողովրդավարական վերահսկողությունն ու մարդու պաշտպանված իրավունքներն անվտանգության մարմինների արդյունավետ աշխատանքի հիմնարար երաշխիք են․ իրազեկող տեսանյութ ՄԻՊ-ից

Գլխավոր ուղերձն այն է, որ մարդու իրավունքներն ու ժողովրդավարությունը երկրի անվտանգության հիմնարար երաշխիք են: Որքան պաշտպանված են մարդու իրավունքներն ու ժողովրդավարությունը, այնքան ամուր է երկրի անվտանգությունը և հակառակը՝ որքան թույլ են մարդու իրավունքներն ու ժողովրդավարությունը, այնքան թույլ է երկրի անվտանգության համակարգը:

 

Տեսանյութի նպատակն է ցույց տալ, թե ինչպես է վերահսկվում մեր երկրում անվտանգության ոլորտի մարմինները՝ Զինված ուժեր և ՊՆ, ԱԱԾ, Ոստիկանություն, ԱԻՆ, իրավապահ մարմիններ: Տեսանյութը նաև ցույց է տալիս, թե որքան կարևոր է դրանց արդյունավետ ու թափանցիկ աշխատանքի համար հատկապես արտաքին վերահսկողությունը, որում ազդեցիկ դեր ունի ՀՀ մարդու իրավունքների պաշտպանը։