Թուրքիայի գիտությունների ակադեմիա. «Թուրքական ընկերությունների զանգվածային սնանկացումը մոտենում է»

Ըստ Dünya Ekonomi թերթի, Թուրքիայի գիտությունների ակադեմիան հայտարարել է, որ թուրքական լիրայի 23% արժեզրկումը վերջին մեկ տարվա ընթացքում «անկայուն» թույլ տնտեսական քաղաքականության արդյունք է:

Ըստ Թուրքիայի գիտությունների ակադեմիայի, տնտեսական հետազոտության էմպիրիկ մեթոդները վկայում են, որ ամբողջ երկրում կսկսվեն սնանկությունների, ընկերությունների փակման և կրճատումների շարքեր:

Ընդգծելով, որ լիրայի փոխարժեքը դոլլարի համեմատ սեպտեմբերին 8,3 լիրա էր, վերջին 2,5 ամիսների ընթացքում աճել է 100%-ով, Ակադեմիայում նշել են, որ վերջին 3 ամիսների ընթացքում իրականացված դրամավարկային քաղաքականությունը առաջացրել է լիրայի փոխարժեքի կտրուկ անկում, ինչը հանգեցրել է իրական արժութային ճգնաժամի։

Փոխարժեքի անխուսափելի արժեւորումը ավելի է բարդացնում լիրայի գնագոյացումը և թուրքական շուկաներում գների ճգնաժամի պատճառ է դառնում: Այս ամենը կարող է հանգեցնել առեւտրային ուղիների ոչնչացմանը, ներդրումների կրճատմանը եւ արտադրության ու պահանջարկի արագ նվազմանը։

Zham.am