«Habertürk». Թուրքիան կգլխավորի՞ ՆԱՏՕ-ի ռազմական գործողությունը Դոնբասում

Թուրքական Habertürk-ը մտահոգված է, որ Թուրքիան կարող է ներքաշվել Դոնբասում հակամարտության մեջ։ Ավելին, նա պետք է ղեկավարի ուժերը Ռուսաստանի հետ առճակատման ժամանակ:

«ՆԱՏՕ-ի ղեկավարներին հետախուզական տեղեկատվություն ուղարկելուց հետո, որ իբր (Zham.am) Ռուսաստանը սկսել է նախապատրաստվել Ուկրաինա ներխուժելուն, ԱՄՆ-ի գլխավորությամբ երկրները բազմաթիվ տարբերակներ են ներառել իրենց օրակարգում, ներառյալ ռազմական աջակցությունը Կիևին և տնտեսական պատժամիջոցները ՌԴ-ի դեմ:

Ռուսաստանը իբր (Zham.am) սահմանի երկայնքով տեղակայել է 100 հազար զինվորական։ ՆԱՏՕ-ն նաև գործողությունների ծրագրեր է մշակում 35-40 հազարանոց հատուկ զորամիավորումը տարածաշրջան տեղափոխելու համար։ Ծրագրերը, որոնք մշակվում են Բրյուսելի շտաբում, պատրաստվում են ՆԱՏՕ-ի Արագ արձագանքման ուժերի (NRF) հիման վրա, որոնք հանդիսանում են որպես Դաշինքի հատուկ ռազմական կազմավորումներ։

Կարդացեք նաև` Թուրքիան ցանկանում է միջնորդի դեր խաղալ Ռուսաստանի և Ուկրաինայի միջև բանակցություններում. Էրդողանի լկտիությունը սահմաններ չի ճանաչում

Դիվանագետները, որոնց հետ խոսել է Habertürk-ի հեղինակը Բրյուսելում, դիտարկում են Բարձր պատրաստակամության համատեղ աշխատանքային խումբը (VJTF - ստեղծվել էր որպես զսպող միջոց Ռուսաստանի դեմ ուկրաինական ճգնաժամի ժամանակ 2014թ.) որպես NRF-ի առաջատար ուժ:

Այս միավորումը, որը ՆԱՏՕ-ի անդամները հերթով ղեկավարում են, 2020 թվականին գլխավորել են Լեհաստանը, իսկ 2019 թվականին՝ Գերմանիան։ VJTF-ը բաղկացած է մոտավորապես 6,4 հազար զինվորից և կարճ ժամանակում կարող է մոբիլիզացնել 20 հազար զինվոր։

Կարդացեք նաև` Ռուսաստանը «մանդարինային» պատերա՞զմ է հայտարարել Թուրքիային

ՆԱՏՕ-ի տարբեր ստորաբաժանումների մասնակցությամբ ռազմական գործողությունների ծրագրին համապատասխան, VJTF-ին հանձնարարվելու է համակարգել և կառավարել գործընթացը: ՆԱՏՕ-ի դիվանագետները, որոնց հետ զրուցել է Habertürk-ի հեղինակը, ասում են, որ Ռուսաստանի կողմից Ուկրաինա հնարավոր ներխուժման դեպքում առավելագույնը հինգ օրում տարածաշրջան կարող է ուղարկվել մոտ 35-40 հազար հատուկ պատրաստված զինվորական։

Այստեղ շատ ռիսկային իրավիճակ է ստեղծվում, որն ուղղակիորեն ազդում է Թուրքիայի վրա... VJTF-ի հրամանատարական կենտրոնը ներկայումս գտնվում է Թուրքիայի իրավասության ներքո։ «Այս տարի Լեհաստանից մեզ անցած ուժերի ղեկավարությունը մինչև տարեվերջ կմնա Թուրքիայի հետ, իսկ հետո կանցնի Ֆրանսիային»,- գրում է Habertürk-ը։

Բայց ի՞նչ կլինի, եթե Ռուսաստանի դեմ «նռնակը» ընկնի Թուրքիայի ձեռքը, երբ Թուրքիան ղեկավարում է VJTF-ին։ Արդյո՞ք Թուրքիան Մոսկվայի հետ հարաբերություններում ավելի խորը ճգնաժամի մեջ չի հայտնվի, քան 2015 թվականին ռուսական ինքնաթիռի կործանումից հետո եղավ։ Ինչպե՞ս է կառավարվելու ուկրաինա-ռուսական ճգնաժամը:

Վերադառնալով ռազմական գործողությունների պլաններին՝ օպերատիվ պատրաստվածության դեպքում խոսքը ոչ այնքան ճգնաժամային գոտի ժամանելու համար անհրաժեշտ ժամանակի մասին է, որքան այն ժամանակի, որի ընթացքում օպերատիվ ուժերը պետք է պատրաստ լինեն օդանավերով կամ ուղղաթիռներով, այդ թվում՝ ռազմական տեխնիկայով օդափոխության։ Այսինքն՝ Բրյուսելն այսօր աշխատում է հատուկ նշանակության ջոկատի բազմաթիվ նախապատրաստական ​​աշխատանքների վրա, այդ թվում՝ նյութատեխնիկական ապահովման։

Եվրոպայում ՆԱՏՕ-ի գերագույն հրամանատարի ԱՄՆ բանակի գեներալ Թոդ Դ. Ուոլթերսը նախօրեին հեռախոսային բանակցություններից հետո ՆԱՏՕ-ի կառավարություններին խնդրել է կրճատել մոբիլիզացիայի ժամանակը: Սակայն պաշտոնական խողովակներով ՆԱՏՕ-ի դաշինքը, անկեղծ ասած, հավանություն չի տալիս այս սցենարներին։

Կասկած չկա, որ աշխարհը կտրուկ փոխվել է վերջին տասը տարիների ընթացքում։ Այն, ինչ մնացել է անփոփոխ, այն է, որ տնտեսությունը դեռևս պետությունների հզորությունը չափելու ամենակարևոր գործոնն է։ Միայն տնտեսական հաջողությունը թույլ է տալիս Չինաստանին ընդլայնվել: Ռուսաստանն այս գործընթացում շատ հետ է մնացել, բայց նա նաև ռազմական, ոչ թե տնտեսական ուժ է կիրառում։

Սառը պատերազմը վերադարձել է: Այս պատերազմը երկար է լինելու: Այն բանից հետո, երբ Պուտինը իբր (Zham.am) զորքեր է կենտրոնացրել Ուկրաինայի հետ սահմանին, ողջ Եվրոպան վտանգված է զգում իրեն։ Մյուս կողմից, իրական մտավախություններ կան, որ Չինաստանը կներխուժի Թայվան։ Այս հնարավորությունը լուրջ սպառնալիք է Ճապոնիայի և Հարավային Կորեայի համար։

Կարդացեք նաև` Ռուսական ամենաչմո զենքով զինված թալիբները մի քանի օրում Աֆղանստանը վերցրեցին արևմտյան բանակի ձեռքից

Ջո Բայդենի վարչակազմի թուլությունը, հատկապես Աֆղանստանից զորքերի դուրսբերման պատկերից հետո, բացում է աշխարհի բազմաթիվ տերությունների ախորժակը։ Այս թուլությունը կարող են շահարկել Ռուսաստանն ու Չինաստանը։ Եվ Թուրքիան հիմա արդեն պետք է տեսնի ու հասկանա, որ ուկրաինական ճգնաժամն ավելի է խորանալու»։

Zham.am