«Սա քաղաքապետարանում աշխատանքի հետ ուղղակի կապ ունեցող վերջին գրառումս է». Հակոբ Կարապետյան

«Սա, թերևս, քաղաքապետարանում աշխատանքի հետ ուղղակի կապ ունեցող վերջին գրառումս է։ Երեք տարի ու մի քիչ ավելի ժամանակ աշխատելու ընթացքում իմ ամենամեծ ձեռքբերումներից մեկը մեր լրատվականի պրոֆեսիոնալ թիմի հետ շփումն էր։ Մարդիկ, որոնց հիմնական մասը աշխատել է էստեղ երկար տարիներ շարունակ ու մարդիկ, որոնք մեր աշխատանքի ընթացքում եկան։

Նրանք բոլորը իրենց գործը անում են առավելագույն նվիրումով։ Շաբաթվա ցանկացած օր ու օրվա ցանկացած ժամի, անտրտունջ ու անխոնջ գործ ենք արել միասին, իրար տվել ենք ու իրարից վերցրել ենք՝ փորձ, գիտելիքներ, մարդկային էմոցիաներ։ Հուսով եմ, այսինքն, վստահ եմ, որ շարունակելու եք ձեր համայնքային ծառայությունը նույն նվիրումով։ Որովհետև դուք ՊՐՈՖԵՍԻՈՆԱԼՆԵՐ եք։

Հովսեփ Կուբատյան, ախպերս, մենք ոչ tête à tête, ոչ առավելևս հանրայնորեն իրար նկատմամբ հուզիչ զեղումներ անելու սովորություն չունենք, բայց էսօր էդ օրն ա: Շնորհակալ եմ քեզ ամեն ինչի համար։ Մնացեք բարով, թանկագին ընկերներ, շնորհակալ եմ աշխատանքի ու իրար հետ ապրած կյանքի համար։ Կեցցե՛ այն խաշը, որ վաղն է գալու»:

Հակոբ Կարապետյանի ֆեյսբուքյան էջից