Արցախի ՔԿ-ում վարույթ է ընդունվել Մարտունու բնակչի գերության մեջ գտնվելու դեպքի առթիվ

ԱՀ քննչական կոմիտեն հայտնում է. «ԱՀ ՔԿ ՀԿԳ քննության վարչությունում վարույթ է ընդունվել 2021թ. նոյեմբերի 23-ին՝ ժամը 07:30-ի սահմաններում, ԱՀ Մարտունու շրջանի Աշան համայնքի 2000-ին ծնված բնակչի հնարավոր մոլորվելու և Արցախի օկուպացված ու փաստացի Ադրբեջանի Հանրապետության ԶՈւ կողմից վերահսկվող տարածքում ադրբեջանական զինծառայողների կողմից մինչև ս.թ. նոյեմբերի 26-ը գերության մեջ գտնվելու, Ադրբեջանի զինված ուժերի մի խումբ անձանց կողմից ազգային ատելության շարժառիթով դիտավորությամբ բռնության ենթարկելու և վերջինիս առողջությանը կյանքին վտանգ սպառնացող՝ ծանր վնաս պատճառելու դեպքի առթիվ ԱՀ քրեական օրենսգրքի 111-րդ հոդվածի 2-րդ մասի 5-րդ և 11-րդ կետերով հարուցված քրեական գործը: Նախաքննությունը շարունակվում է»: