Փաշինյանին սուրճ դրած «Լուսավոր Հայաստան» կուսակցությունը հերթական ծառայությունն է մատուցում Փաշինյանին․ Աննա Մկրտչյանը՝ Սամսոնյանի հետ առնչվող քրգործի մասին

Ես արդեն այցելել եմ պարոն Սամսոնյանին՝ փորձելով հասկանալ, թե որն է այն իրավական հիմքն ու հիմնավորումը, որ ոստիկանությունը դիմել է նման անհամաչափ միջոցների։ Այս մասին Ոստիկանության Նոր Նորքի բաժնի մոտ լրագրողների հետ զրույցում ասաց «Պատիվ ունեմ» խմբակցության պատգամավոր Աննա Մկրտչյանը։

«Այցելելով ոստիկանության բաժին ակնհայտ դարձավ, որ գործադրված միջոցները անհամաչափ են, որովհետև ինչպես հայտնեց պարոն Սամսնոյանը, ինչպես գրել էր, ինքը քննիչի հետ ունի պայմանավորվածություն, որ քննվող գործի շրջանակներում պետք է ներկայանա քննիչի մոտ»,– ասավ պատգամավորը՝ տեղեկացնելով՝ քննիչը չի սպասել պայմանավորվածության ժամին, դրանից մոտ մեկ ժամ առաջ հրահանգ է իջեցվել Նարեկ Սամսոնյանին բերման ենթարկելու վերաբերյալ։

Մկրտչյանը ուշագրավ հանգամանքներ հայտնեց Սամսոնյանին առնչվող քրեական գործի վերաբերյալ․ «Քրեական գործը վերաբերվում է ծանր վիրավորանք հասցնելուն։ Իմ նախնական տեղեկություններով՝ դիմումը ներկայացրել են «Լուսավոր Հայաստան» կուսակցության ներկայացուցիչները»։

Ընդդիմադիր պատգամավորը հայտնեց, որ նույն ԼՀԿ ներկայացուցիչները 7–րդ գումարման ազգային ժողովում դեմ են եղել այս հակաժողովրդավարական նախագծին։ «Կարևոր է շեշտել, որ այս օրենքը բոլոր մարդասիրական կազմակերպոթյունների կողմից քննադատվել է և կոչ է արվել ՀՀ իշխանություններին դադարեցնել հոդվածի գործողությունը և որևէ մեկին քրեական պատասխանատվության չենթարկել ու չհետապնել այս հոդվածով, քանի որ այն ունի մեկ նպատակ՝ Նիկոլ Փաշինյանին որևէ թթու խոսք ասողին ուղղակի բերել ոստիկանություն ու քննչական մարմիններ, քաշքշել՝ ցույց տալով, որ այ եթե Նիկոլ Փաշինյանին մի նախադասություն ավել կասեք, ձեր վերջը սա է լինելու՝ քննչական մարմիների կողմից մշտապես քաշքշուկի ենթարկվելը»,– ասաց Մկրտչյանը։

«Ես ուզում էի հասկանալ՝ մեր ոստիկանությունը որևէ այլ գործառույթ իրականացնում է, բացի Նիկոլ Փաշինյանի մղձավանջներին հանգստություն պարգևելը։ Այդ անձը ամեն օր քնելով ուզում է հասնակալ՝ ու՞մից է այդպես վախի մեջ ընկել։

Ո՞ր արտահայտությունն է իր համար դարձել հերթական նոպաների պրոբլեմ և ոստիկանությունը առավոտյան փորձում է իր քննչական գործողություններով, հերթական շոուներով, մարդկանց գետնին տապալելով, անհամաչափ ուժ Նգործադրելով, բերման ենթարկելով այդ տեսանյութերը ցույց տալ Նիկոլ Փաշինյանին, որ նյարդային ու հոգեբանական հանգստությունը գտնի»,– մանրամասնեց պատգամավորը։ Մկրտչյանի բառերով՝ տեղի ունեցածը խայտառակություն է, իսկ օրենքի գործողությունը ժամ առաջ պետք է կասեցվի։ «Այս օրենքի միակ շահառուն Նիկոլ Փաշինյանն է։

Այն ՀՀ քաղաքացուն պաշտպանելու միտում չունի»,– նշեց նա։ «Ես ցավում եմ, որ 7–րդ գումարման Ազգային ժողովում Արցախի հարցը ստվերելու համար Նիկոլ Փաշինյանին սուրճ դրած կուսակցությունը հերթական ծառայությունն է մատուցում նրան՝ այս անգամ արդեն քրեական գործի հիմքերը նախապատրաստելով»,– ասաց «Պատիվ ունեմ» խմբակցության պատգամավորը Մկրտչյանը պնդեց՝ ապօրինի է ինչպես Սամսոնյանին բերման ենթարկելը, այնպես էլ ամբողջ քրեական գործը և քննչական գործողությունները։

Աղբյուր՝ AntiFake.am