Ուկրաինայի հայազգի ներքին գործերի նախարարը պատրաստվու՞մ է հեղաշրջման

Գերագույն ռադայի «Պյոտր Պորոշենկոյի դաշինք» ֆրակցիայի պատգամավոր Սերգեյ Լեշչենկոն հայտարարեց, որ Ուկրաինայի Ներքին գործերի նախարար Արսեն Ավակովը հեղաշրջում է նախապատրաստում երկրում: Այս մասին նա ասաց «ZIK» հեռուստաալիքի եթերում:

«Արսեն Ավակովի թիմը պատրաստվում է ցանկացած սցենարի, այդ թվում իշխանության զավթմանը: Ներքին գործերի նախարարը պատրաստվում է վարչապետ դառնալ: Չէ որ գաղտնիք չէ, որ առանց Ավակովի հավանության կառավարությունն որոշում չի ընդունում: Բացի այդ, նա նախարարների «նայողն» է, որոնք աշխատում են «Ազգային ճակատից»», - հայտարարեց Լեշչենկոն:

Նա հավելեց, որ Ավակովի շուրջ ձևավորվել է գործողությունների պատրաստ «կիսաքրեական խմբավորում»: «Դա նաև Անտոն Գերաշչենկոն է, որը հեռուստա- և ռադիոեթերում բոլորի մասին ամեն ինչ գիտի: Շկիրյակը նույնպես թիմի անդամ է: Նա առավել հրապարակային գործունեություն է ծավալում: Բացի այդ, Ավակովը ուժային ստորաբաժանում ունի: Դրանք են Իլյա Կիվան, Եվգենի Դեյդեյը՝ երկուսն էլ նախկինում դատված», - ասաց խորհրդարանականը:

Ըստ պատգամավորի, Ավակովի աջակիցների թվում է նաև քրեական հեղինակություն Սաշա Բրասլետը, գործարար և քաղաքական գործիչ Իգոր Կոտվիցկին:

Zham.am