Ռուս խաղաղապահների ջանքերն ուղղված են ռազմագերիների վերադարձմանը, զոհվածների մարմինների որոնումանը, հումանիտար բեռների առաքմանը, անվտանգության ապահովումանը. Գերասիմով
Վալերի Գերասիմովը հիշեցրել է, որ ՀԱՊԿ անդամ երկրների տարածքում պարբերաբար անցկացվում են համատեղ պատրաստության միջոցառումներ և մշակվում հակաահաբեկչական գործողություններ:
ՀԱՊԿ ուժային ներուժի զարգացումը կոալիցիոն ռազմական շինարարության մեջ համագործակցության առաջնահերթություններից է։ Ինչպես հայտնում է ՌԻԱ Նովոստին, Ռուսաստանի ԶՈւ ԳՇ պետ Վալերի Գերասիմովն այդ մասին հայտարարել է այսօր ճեպազրույցի ժամանակ։
«ՀԱՊԿ շրջանակում հիմնական ուժերն ուղղված են հավաքական անվտանգության համակարգի կատարելագործմանը, կազմակերպության անդամ պետությունների մարտահրավերներին և անվտանգությանը սպառնացող վտանգներին արձագանքելու համար դրա պատրաստության բարձրացմանը», – ասել է Գերասիմովը։
Որպես հումանիտար հիմնական խնդիրներ, ՌԴ գլխավոր շտաբի պետը նշել է տեղանքի և օբյեկտների ականազերծումը, ռազմագերիների վերադարձը, զոհվածների մարմինների որոնումը, հումանիտար բեռների առաքման անվտանգության ապահովումը և ենթակառուցվածքային նախագծերի իրականացումը։
«Ավելի քան մեկ տարի առաջ հաջողվեց կանգնեցնել արյունահեղ պատերազմը և պայմաններ ստեղծել տարածաշրջանում խաղաղության հաստատման համար»,- ասել է նա։
Նա հիշեցրել է, որ ՀԱՊԿ անդամ երկրների տարածքում պարբերաբար անցկացվում են համատեղ պատրաստության միջոցառումներ և մշակվում հակաահաբեկչական գործողություններ։ «Վստահության միջոցների ամրապնդման և անվտանգության հարցերի լուծման նպատակով Ռուսաստանի պաշտպանության նախարարությունը շարունակում է ընդլայնել արտասահմանյան գործընկերների հետ փոխգործակցության մասշտաբները։ Ինչպես և նախկինում, առաջնահերթ նշանակություն է տրվում ԱՊՀ անդամ երկրների հետ գործընկերային և դաշնակցային հարաբերությունների պահպանմանը, ՀԱՊԿ ռազմական բաղադրիչի զարգացմանը», – ասել է Գերասիմովը։
Zham.am
Հետևեք մեզ Facebook-ում