«Հայաստան» խմբակցության պատգամավորներն այս պահին այցելում են ոստիկանատներ, բերման ենթարկվածներին տեսակցելու և օգնություն տրամադրելու նպատակով

Ինչպես արդեն տեղեկացրել ենք, այսօր՝ նոյեմբերի 22-ին, մի խումբ քաղաքացիներ փակել էին Երևանի մի շարք փողոցներ` քաղաքացիների ուշադրությունը հրավիրելով Հայաստանի շուրջ առկա խնդիրների վրա։

Ըստ ակցիայի մասնակիցների՝ պայքարում են, որպեսզի չստորագրվի դեմարկացիայի ու դելիմիտացիայի փաստաթուղթը, բացի այդ քաղաքացիները պահանջում են կառավարությունից հստակ նշել, թե Ադրբեջանի հետ ինչ բանակցություններ են ընթանում ու ինչի շուրջ։

Ակցիայի ժամանակ մինչև 20 քաղաքացի է բերման ենթարկվել։ Ոստիկանները բերման են ենթարկել նաև նախկին պատգամավոր Սոֆյա Հովսեփյանին՝ փողոց փակելու համար:

ՀՀ ԱԺ «Հայաստան» խմբակցության պատգամավոր Գեղամ Մանուկյանը քաղաքացիներին տեսակցելու նպատակով գնացել է Էրեբունի վարչական շրջանի տեղամասային ոստիկանություն, իսկ Արթուր Խաչատրյանը՝ Նոր-Նորքի:

«Հենց նոր դուրս եկա ոստիկանության Նոր Նորքի բաժնից: Այցելել էի այսօր Մյասնիկյան պողոտայի վրա հայրենիքի կործանման դեմ ցույց անող բերման ենթարկվսծ մեր վեց հայրենակիցների: Ձերբակալվածներից մեկին ազատ էին արձակել, չորսը բողոք չունեին, մեկի նկատմամբ կարմիր բերետավորները բռնի, անհամաչափ ուժ էին կիրառել:

Ոստիկանության փոխանցմամբ ակցիայի մասնակիցները բերման են ենթարկվել բաժիններ՝ Վարչական իրավախատումների մասին օրենսգրքի 182 հոդվածով նախատեսված գործողություն կատարելու համար (Հասարակական կարգի պահպանության, հասարակական անվտանգության ապահովման, օբյեկտների պահպանության պարտականությունները կատարելու ընթացքում ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը):

Zham.am