Պայթյուն և կրակոցներ Շուշիի անցակետի մոտ. Ստեփանակերտ-Բերձոր միջպետական ճանապարհը ( Լաչինի միջանցքը ) փակ է. Տեսանյութ
Արցախի ներքին գործերի նախարարության հաղորդմամբ, Ստեփանակերտ-Բերձոր միջպետական ճանապարհը կրկին փակ է։
Ըստ աղբյուրի, հայկական և ադրբեջանական կողմերի միջև տեղի է ունեցել միջադեպ, որի մանրամասները կհաղորդվի ավելի ուշ։
ՀՀ ԱԺ պատգամավոր Տիգրան Աբրահամյանի Ֆեյսբուքյան էջից
***
Ստեփանակերտ-Բերձոր միջպետական ճանապարհը փակ է
Հարգելի հայրենակիցներ
Տեղեկացնում ենք, որ հայկական և ադրբեջանական կողմերի միջև տեղի ունեցած միջադեպի պատճառով, այս պահին Ստեփանակերտ-Բերձոր միջպետական ճանապարհը երկկողմանի փակ է:
Արցախի Հանրապետության իրավապահ մարմինները՝ ռուսական խաղաղապահ զորակազմի հետ մեկտեղ, հակառակորդ կողմի հետ վարում են բանակցություններ՝ երթևեկն անխափան կազմակերպելու ուղղությամբ:
Միջադեպի հետ կապված մյուս մանրամասները կհրապարակվի ավելի ուշ:
***
Այսօր առավոտյան նոր պատահար է տեղի ունեցել Արցախի Շուշի քաղաքի ստորին հատվածում գտնվող անցակետում։ Ըստ Times.am-ի տեղեկությունների, նոյեմբերի 8-ին այդ հատվածում սպանված հայ բանվորի եղբայրը տաքսիով մոտեցել է ադրբեջանցի զինծառայողներին և նռնակ նետել նրանց ուղղությամբ։ Թշնամին էլ անկանոն կրակ է բացել այդ պահին այդտեղ գտնվող հայկական մեքենաների ուղղությամբ։
Վիրավորների և զոհերի մասին տեղեկություններ դեռևս չկան։
Այս պահին ռուս խաղաղապահները փակել են ճանապարհը և անգամ շտապ օգնության մեքենաներին չի թույլատրվում հասնել դեպքի վայր։
***
Հետևեք մեզ Facebook-ում